महोत्तरी/भदौ ५ गते। महोत्तरीको बर्दिबासमा सवारी दुर्घटनामा बुबाछोरीको मृ त्यु भएको छ ।
बर्दिबास नगरपालिका- २ मा पर्ने बर्दिबास औरही सडक खण्डमा सोमबार साँझ स्कुल बस र मोटरसाइकल आपसमा ठोक्किँदा बाबु छोरीको मृत्यु भएको प्रहरीले जनाएको छ।
दुर्घटनामा बर्दिबास- ८ हात्तीलेटका ५५ वर्षीय उपेन्द्र महतो र उनकी २२ वर्षीया छोरी रविनाको मृत्यु भएको जिल्ला प्रहरी कार्यालय महोत्तरीका सूचना अधिकारी प्रहरी नायव उपरीक्षक दिलिप गिरीले जानकारी दिए।
प्रहरी नायव उपरीक्षक दिलिप गिरीका अनुसार छोरी रविनाले चलाएको मोटरसाइकल रोकिराखेको स्कुल बसमा ठोक्किँदा बाबु छोरीकै मृत्यु भएको हो।
दुर्घटनामा गम्भीर घाइते भएपछि छोरीलाई उपचारको लागि बर्दिबासस्थित ट्रमा सेन्टरमा पुर्याइएको थियो। उपचारको क्रममा गए राति उनको मृत्यु भएको प्रहरीले जनाएको छ।
डिएसपि गिरीका अनुसार उनका बुवा उपेन्द्रको जनकपुरस्थित प्रादेशिक अस्पतालमा आज (मंगलबार) बिहान मृत्यु भएको हो।
दुर्घटनापछि प्रहरीले ना १ क ९७८९ नम्बरको बस र त्यसका चालक बर्दिबास- ४ का निरपराज नेपाललाई नियन्त्रणमा राखेको छ।
Discussion about this post