जनकपुरधाम/श्रावण ९ गते । प्राचीन देवभूमि मधेस प्रदेशको राजधानी जनकपुरधामको पवित्र सरोवर गंगासागरको महागंगा अारती घाटमा वस्त्र पहिरण कक्षको व्यवस्थापन गरिएको छ।
सेभ हिस्टोरिकल जनकपुरधाम महागंगा अारती गंगासागरको सहयोगमा गंगासागरमा स्नान गर्न अाएका श्रद्धालु भक्तजनहरुलाई लुगा फेर्न सुबिधा का लागि गंगासागरघाटमा वस्त्र पहिरण कक्षको व्यवस्थापन गरिएको कुरा सेभ हिस्टोरिकल जनकपुरधामका कोषाध्यक्ष युवा समाजसेवी रवि कुमार गोयन्काले जानकारी दिएका छन।
रामायणकालिन जिवन्त अवशेष जनकपुरधामको ऐतिहासिक ,धार्मिक र सांस्कृतिक महत्त्वका सरोवर गंगासागरमा नेपाल र भारत का विभिन्न स्थानहरुबाट धार्मिक पर्यटकहरु अाएर स्नान गर्ने गरेको छ। गंगासागरमा स्नान गरेमा रामेश्वर र गंगा नदिमा स्नान गरेको लाभ प्राप्त हुने जनविश्वास रहेको कारण गंगासागरमा स्नान गर्न भिड लाग्ने गरेको छ।
स्वच्छ जनकपुरधाम,प्रकृति र संस्कृति संरक्षण गर्न मुख्य उदेश्य का साथ २०७० साल फागुन ११ गते गंगासागर सफाई अभियान को शुभारम्भ गरिएको थियो र २०७१ साल जेठ २५ गते दैनिक महागंगा अारती को शुभारम्भ गरिएको छ।

















Discussion about this post