राजविराज । सप्तरीको बोदे बरसाईन नगरपालिका वडा नम्बर ५ मा ट्याक्टरको ठक्करबाट एक युवकको मृत्यु भएको छ ।
बिहीबार राती स १ त ४६९३ नम्वरको ट्याक्टरको ठक्करबाट नम्बर नभएको मोटरसाईकलमा सवार बोदे बरसाईन वडा नम्बर ७ हैठीका २३ वर्षीय सुजितकुमार यादवको मृत्यु भएको जिल्ला प्रहरी कार्यालय सप्तरीले जनाएको छ ।
महेन्द्र राजमार्गसँग जोडिएको हुलाकी सडकबाट तीव्र गतिमा गइरहेको ट्याक्टरले विपरीत दिशाबाट आएको मोटरसाइकललाई ठक्कर दिँदा मोरसाईकलमा सवार सुजितको घटनास्थलमै मृत्यु भएको प्रहरीले जनाएको छ ।
दुर्घटनामा सोही मोटरसाइकलको पछाडि सवार २० वर्षीय धर्मेन्द्रकुमार यादव गम्भीर घाइते भएका छन् । उनलाई उपचारकालागि विराटनगर पठाइएको छ ।
ठक्कर दिने ट्याक्टर इलाका प्रहरी कार्यालय बोदे बरसाईनको नियन्त्रण रहेको छ भने चालक फरार रहेको प्रहरीले जनाइएको छ ।
Discussion about this post