सप्तरीमा मोटरसाइकल दुर्घटनामा दुई युवकको मृ त्यु, एकको अवस्था गम्भीर

सप्तरी/जेठ १२ गते । सप्तरीको छिन्नमस्ता गाउँपालिकामा शुक्रबार भएको मोटरसाइकल दुर्घटनामा दुईजनाको मृत्यु भएको छ भने एकजना घाइते भएका छन् ।

राजविराजबाट छिन्नमस्तातर्फ जाँदै गरेको तीनजना सवार प्र २–०१–००२–प २५६० नम्बरको मोटरसाइकल छिन्नमस्ता ३ स्थित नर्सिङ थान नजिकै अनियन्त्रित भएर दुर्घटना भएको हो ।

दुर्घटनामा छिन्नमस्ता ३ का १८ वर्षीय श्यामकुमार यादव र ३० वर्षीय विकासकुमार खंगको मृ त्यु भएको छ । घाइते भएका उनीहरुको उपचारको क्रममा मृ त्यु भएको हो ।

यस्तै, सोही दुर्घटनामा मोटरसाइकल पछाडि सवार लाल बहादुर खङ्गका २३ वर्षीय छोरा अजय कुमार खङ्ग गम्भीर घाइते भएको जिल्ला प्रहरी कार्यालय सप्तरीका प्रबक्ता डिएसपी नरेश कुमार सिहले जानकारी दिए ।

घाइते खङ्गको राजविराज स्थित गजेन्द्रनारायण सिंह अस्पतालमा उपचार भइरहेको तथा घटनाको सम्बन्धमा आवश्यक अनुसन्धान कार्य भइरहेको सप्तरी प्रहरीले जनाएको छ ।