सप्तरी/बैशाख २० गते । सप्तरीको अग्निसाईर कृष्णसावरन गाउँपालिका अन्तर्गत पर्ने जण्डोल – मंसापुर उत्तर दक्षिण सडक खण्डको जण्डोलमा मंगलबार विङगर दुर्घटना हुदा ५ जना घाईते भएका छन् ।
उत्तर बाट दक्षिण तर्फ रिजर्भमा जादै गरेको ना १ ज ८७६३ नम्बर को विङगर आफै अनियन्त्रित भई दुर्घटना हुँदा विङगरमा सवार यात्रुहरु घाईते भएका हुन ।
दुर्घटनामा सप्तरीको कंचनरुप नगरपालिका ६ का बर्ष ५० की बसिया देवी चौधरी, बिरेन कुमार चौधरीको छोरी बर्ष १६ की सन्तोषी कुमारी चौधरी, सप्तरी खडक नगरपालिका ९ बस्ने ब्रहमदेव चौधरीको छोरी १६ की सन्तोषि चौधरी, बर्ष १८ की अन्जलि चौधरी, शम्भुनाथ नगरपालिकाका बर्ष ५० की माया देवी चौधरी घाईते भएका छन् ।
घाईतेहरुको धर्मेश्वर अस्पताल ठेलिया सप्तरीमा उपचार भई रहेको तथा विङगर चालक फरार रहेकोले खोजतलास कार्य भईरहेको जिल्ला प्रहरी कार्यालय सप्तरीले जनाएको छ । विङगर प्रहरीको नियन्त्रणमा लिई घटना बारे थप अनुसन्धान भइरहेको सप्तरीका प्रहरी प्रवक्ता डिएसपी नरेश कुमार सिंहले जानकारी दिए ।
Discussion about this post