माघ १४ गते । महोत्तरीमा दुर्घटनामा परेको मोटरसाईकलबाट गाँजा बरामद भएको छ । बिहिवार बेलुका गौशालामा दुर्घटनामा परेको मोटरसाईकलबाट गाँजा बरामद भएको प्रहरीले जनाएको छ ।
बर्दिवास सम्सी सडकखण्ड अन्तर्गत गौशाला नगरपालिका–२ निगौल स्थित सम्सीतर्फ गईरहेको बी आर ३० जेड ०७९४नम्बरको मोटरसाईकलले सोही दिसा तर्फ गईरहेको मधेश प्रदेश ०२–००५प ९४७२ नम्बरको मोटरसाईकललाई ओभरटेक गर्नेक्रममा ठक्कर दिई दुर्घटना भएको थियो ।
दुर्घटना भएको खबर प्राप्त हुनसाथ प्रहरीले घटना स्थलमा पुगी अनुसन्धान थालेपछि घटनास्थलबाट बी आर ३० जेड ०७९४ नम्बरको मोटरसाईकलको पछाडी कालो रंगको ब्याग भित्र रातो रंगाको प्लास्टिक भित्र ५ किलो ५ सय ग्राम र सोही गाडीको बाँयातर्फको लेगाडमा झुण्डयाएको जेब्रा झोलाभित्र लुकाई छिपाई राखेको प्लास्टिकमा प्याक गरिराखेको १० किलो ८०० ग्राम प्रतिबन्धित गाँजासहित प्रहरीले मोटरसाईकल चालक सोनमा गाउँपालिका–३ रघुनाथपुर बस्ने अन्दाजी २१ बर्षीय नरेन्द्र कुमार पटेललाई प क्राउ गरिएको प्रहरीले जनाएको छ ।
दुर्घटनामा घाईते भएको पटेललाई नियन्त्रणमा लिई प्रहरीको निरानीमा स्थानिय अस्पतालमा उपचार भईरहेको छ । मोटरसाईकल र पटेललाई प्रहरी नियन्त्रणमा लिई घटनाबारे अनुसन्धान भईरहेको जिल्ला प्रहरी कार्यालय महोत्तरीले जनाएको छ ।
Discussion about this post