सप्तरीबाट २ लाख नगदसहित तीन युवक प्रहरीको नियन्त्रणमा

शुभ नारायण यादव/सप्तरी/भदौ २९ गते ।सप्तरी प्रहरीद्वारा नगद २ लाखसहित ३ जना युवकलाई प क्रा उ गरेको छ ।

सप्तरीको तिलाठी कोईलाडी गाउँपालिका वडा न.७ का ४० बर्षीय राज कुमार मण्डल, महादेवा गाउँपालिका ६ का ३२ बर्षीय प्रबिण मण्डल र हनुमान नगर कंकालिनी नगरपालिका ६ का २७ बर्षीय संतोष मण्डललाई प्रहरीले नियन्त्रणमा लिएको हो ।

जिल्लाको तिलाठी कोईलाडी गाउँपालिका वडा न.८ सडेपारको नहरस्थित बिश्वकर्मा चौकमा लागुऔषधको कारोबार भइरहेको स्थानीयले सूचना दिएपछि उनीहरुलाई नियन्त्रणमा लिएको प्रहरी जानाएको छ ।

स्थानीयले जानकारी गराए अनुसार लागुऔषध ओसारपसार गरेको आशंका लागेर चेक जाँच गर्दा उनीहरुको साथबाट नगद २ लाख र केहि केमिकल जस्तो देखिने ३ वटा शिशी बरामद् भएको जिल्ला प्रहरी कार्यालय सप्तरीले जनाएको छ ।

यता बरामद नगद कुन प्रयोजनका लागि हो भनी नखुलेकाले उनीहरुलाई नियन्त्रणमा लिई अनुसन्धान गरिरहेको जिल्ला प्रहरी कार्यालय सप्तरीका डिएसपि एव प्रबक्ता माधव प्रसाद काफ्लेले जानकारी दिए ।

प क्रा उ परेका तीनै जाना जिल्ला प्रहरी कार्यालय सप्तरीको हिरासतमा राखेर थप अनुसन्धान गरिरहेको प्रहरीले जनाएको छ ।

यता बिनासितै प्रहरीले फँसाउन खोजेको प क्रा उ परेका युवकका आफन्तहरुले आरोप लगाएका छन् । गाउँका केही मानिसले ब्यक्तिगत रिसिबी साध्न प्रहरीलाई गलत सूचना गराएको भरमा नियन्त्रणमा लिएर प्रहरीले दुःख दिएको भन्दै उनीहरुले गुनासो गरेका छन् ।