काठमाडौँ / नेपाली बजारमा सार्वजनिक भएको छोटो समयमै नामी भिगो ई२ले उच्च बुकिङ प्राप्त गरेपछि यसको विशेष अफर समाप्त भएको छ।
एमएडब्ल्यू वृद्धि मोटर्सले अब भिगो ई२को बुकिङ एमआरपी मूल्य रु. ३७ लाख ९९ हजारमै निरन्तर हुने जनाएको छ। गत बुधबार सार्वजनिक गरिएको भिगो ई२प्रति नेपाली उपभोक्ताबाट उत्साहजनक प्रतिक्रिया आएको कम्पनीले जनाएको छ।
आधुनिक डिजाइन, आकर्षक फिचर, प्रिमियम अनुभव र प्रतिस्पर्धी मूल्यका कारण फुल साइज एसयूभी भिगो ई२प्रति उपभोक्ताको आकर्षण बढेको कम्पनीको भनाइ छ।
कम्पनीका अनुसार सीमित अवधिका लागि घोषणा गरिएको रु. २ लाखको विशेष अफरअन्तर्गत अपेक्षा गरिएभन्दा धेरै बुकिङ केवल ६ दिनमै प्राप्त भएको थियो।
अत्यधिक मागका कारण अफर नाडा अटो शो २०२६को पहिलो दिनमै समाप्त गरिएको कम्पनीले जनाएको छ।
एमएडब्ल्यू वृद्धि मोटर्सका सीईओ प्रसन्न पन्तले सीमित अवधिका लागि घोषणा गरिएको विशेष अफर उच्च मागका कारण नाडा अटो शोको पहिलो दिनमै समाप्त गर्नुपरेको बताए।
उनले नेपाली उपभोक्ताले देखाएको विश्वास र मायाप्रति आभार व्यक्त गर्दै आगामी दिनमा ग्राहकको आवश्यकता र अपेक्षाअनुसार नयाँ तथा प्रतिस्पर्धी उत्पादन उपलब्ध गराउने प्रतिबद्धता जनाए।
नामी ई२ प्लसमा रहेका लोकप्रिय फिचरलाई निरन्तरता दिँदै थप परिष्कृत गरिएको भिगो ई२ले नेपाली बजारमा आफ्नो सेग्मेन्टमा आकर्षण बढाउन सफल भएको कम्पनीको दाबी छ।
कम्पनीले भिगो ई२प्रति देखाएको उत्साह, विश्वास र मायाका लागि सम्पूर्ण ग्राहकलाई धन्यवाद दिँदै अब रु। ३७ लाख ९९ हजारको एमआरपीमा बुकिङ खुला रहने जनाएको छ।
Discussion about this post