डन्डीफोरले हैरानीमा हुनुहुन्छ, उसो भए घरमै यसरी उपचार गराउनु होस

बर्षायाममा प्राय डन्डिफोरले मानिसहरूलाई सताइरहेको हुन्छ । मुख्यतयाः किशोर र युवतीहरूमा यो समस्या ज्यादाँ देखिन्छ । त्यसैले धेरैले  डन्डीफोरको समस्याबाट छुटकारा पाउन बजारका धेरै समानहरू प्रयोग गरिरहेका हुन्छन तर पनि डन्डफोर निको हुन नसके पछि उनीहरूले हैरानीमा गुजार्नु पर्ने हुन्छ ।

त्यसैले आज हामी घरमै उपलब्ध प्राकृतिक र सरल सामग्रीहरूको प्रयोग गरेर डन्डिफोर निको पार्ने उपायका बारेमा जानकारी दिनेछौं । यहाँ केही प्रभावकारी घरेलु उपायहरू दिइएका छन्, त्यसवारेमा जान्नुहोस् ।

डन्डीफोर हटाउने प्रभावकारी घरेलु उपायहरूः

नीमको पत्ताः
नीममा एन्टी ब्याक्टेरियल र एन्टी इन्फ्लेमेटरी गुण हुन्छ, जसले डन्डीफोर गराउने जीवाणु नष्ट गर्छ। नीमको पत्ता पखालेर पेस्ट बनाउनु होस् र डन्डीफोर भएको ठाउँमा लगाउनुहोस्। १५–२० मिनेटपछि चिसो पानीले पखाल्नु होस्।

काँचो बेसार र दही

बेसारले छालाको सङ्क्रमण कम गर्छ भने दहीले छालालाई शीतल र ओसिलो राख्छ। थोरै बेसारमा १ चम्चा दही मिसाएर पेस्ट बनाउनुहोस् र अनुहारमा लगाउनु होस्। सुकेपछि मनतातो पानीले पखाल्नुहोस्।

एलोवेराः
यसले छालाको जलन, रातोपना र सुन्निने समस्या कम गर्छ। ताजा एलोवेराको जेल निकालेर डन्डीफोरमा सीधा लगाउनु होस् र रातभरि छाड्न सक्नु हुन्छ वा २० मिनेट पछि धुन सक्नु हुन्छ।

कागतीको रसः
कागतीमा साइट्रिक एसिड हुन्छ जसले छालाको बढी तेल कम गर्न मद्दत गर्छ। काकतीको रसमा थोरै पानी वा गुलाब जल मिसाएर कपासको सहायताले डन्डीफोरमा मात्र लगाउनु होस्। संवेदनशील छाला छ भने वा घाममा जानु अघि यसको प्रयोग नगर्नुहोस्।

महः
महले छालालाई प्राकृतिक रूपमा सफा र लचिलो बनाउँछ। सफा औँला वा कपासले डन्डीफोरमा मह लगाउनुहोस् र १५–२० मिनेटपछि पखाल्नुहोस्।

ध्यान दिनुपर्ने महत्त्वपूर्ण कुराहरूः

डन्डीफोरलाई निचोर्ने वा फुटाउने काम कहिल्यै नगर्नुहोस्, यसले खत बस्ने र संक्रमण फैलने खतरा हुन्छ। सफा पानीले धुनुहोस् । दिनमा २ पटक हल्का फेसवाश वा साबुन र सफा पानीले अनुहार धुनुहोस्। खास गरी प्रशस्त पानी पिउनुहोस् । दिनमा कम्तीमा २–३ लिटर पानी पिउनाले शरीरका विषाक्त पदार्थ बाहिर निस्कन्छन्।

खानपानमा पनि उत्तिकै ध्यान दिनुहोस् । धेरै चिल्लो, पिरो, र प्याकेट गरिएका खानेकुराहरू कम खानुहोस्। हरियो सागपात र फलफूल बढी प्रयोग गर्नुहोस्। यदि डन्डीफोर धेरै गम्भीर वा दुखाइपूर्ण छ भने छाला रोग विशेषज्ञसँग परामर्श लिनु उपयुक्त हुन्छ।