काठमाडौं/साउन १५ गते। कुमारी बैंक लिमिटेडले १५ हजार कित्ता संस्थापक सेयर बिक्री प्रक्रिया अघि बढाएको छ। बैंकले एक संस्थापक सेयरधनीको स्वामित्वमा रहेको उक्त सेयर नेपाल राष्ट्र बैंकको प्रचलित व्यवस्थाअनुसार बिक्रीका लागि सूचना प्रकाशित गरेको हो।
बैंकका अनुसार संस्थापक सेयर बिक्री गर्दा पहिलो प्राथमिकता विद्यमान संस्थापक सेयरधनीलाई दिनुपर्ने व्यवस्था रहेकाले इच्छुक संस्थापक सेयरधनीलाई आवेदन दिन आह्वान गरिएको छ। सूचना प्रकाशित भएको मितिदेखि ३५ दिनभित्र खरिद इच्छा व्यक्त गर्दै आवेदन पेश गर्नुपर्ने बैंकले जनाएको छ।
सेयर खरिद गर्न चाहने विद्यमान संस्थापक सेयरधनीले काठमाडौंको नक्सालस्थित कुमारी क्यापिटल लिमिटेड वा टंगालस्थित कुमारी बैंकको प्रधान कार्यालयमा आवेदन बुझाउन सक्नेछन्।
बैंकका अनुसार बिक्री गरिने सेयरको मूल्य भने विक्रेताले निर्धारण गरेअनुसार कायम हुनेछ। तोकिएको अवधिभित्र विद्यमान संस्थापक सेयरधनीबाट कुनै आवेदन नपरे वा सबै सेयर खरिद नभएमा प्रचलित कानुनी व्यवस्था अनुसार थप प्रक्रिया अघि बढाइने अपेक्षा गरिएको छ।
Discussion about this post