काठमाडौं/साउन १५ गते।आरम्भ चौतारी लघुवित्त वित्तीय संस्था लिमिटेडले सेयरधनीलाई प्रदान गरिने सेयरसम्बन्धी सेवा थप व्यवस्थित बनाउन आफ्नो सेयर रजिस्ट्रारको जिम्मेवारी प्रभु क्यापिटल लिमिटेडलाई हस्तान्तरण गरेको छ।
संस्थाले जारी गरेको सूचनाअनुसार सञ्चालक समितिको निर्णयबमोजिम अब कम्पनीको धितोपत्र अभिलेख व्यवस्थापन, सेयर अभौतिकीकरण (डिम्याट), सेयर प्रमाणपत्र वितरण, नामसारी, सेयरधनीको अभिलेख अद्यावधिकलगायत सेयर रजिस्ट्रारसँग सम्बन्धित सम्पूर्ण कार्य प्रभु क्यापिटल लिमिटेडले सञ्चालन गर्नेछ।
यस व्यवस्थासँगै कम्पनीका सेयरधनीले सेयरसम्बन्धी प्रशासनिक सेवा लिन तथा आवश्यक जानकारी प्राप्त गर्न प्रभु क्यापिटल लिमिटेडमा सम्पर्क गर्न सक्नेछन्। कम्पनीले सेयरधनीलाई आवश्यक सेवा सहज, छिटो र व्यवस्थित रूपमा उपलब्ध गराउने उद्देश्यले यो व्यवस्था लागू गरिएको जनाएको छ।
लघुवित्तले सेयरधनीलाई सेयर रजिस्ट्रारसम्बन्धी कुनै पनि कामका लागि अबदेखि प्रभु क्यापिटलसँग समन्वय गर्न अनुरोध गरेको छ। यस परिवर्तनपछि सेयर अभिलेख व्यवस्थापन तथा अन्य प्रक्रियाहरू एकीकृत रूपमा प्रभु क्यापिटलमार्फत सञ्चालन हुनेछन्।
Discussion about this post