काठमाडौं/साउन १२ गते । प्रोग्रेशिभ फाइनान्स लिमिटेडले २ लाख १८ हजार ६९२ कित्ता संस्थापक सेयर बिक्रीका लागि खुला गरेको छ। कम्पनीले एक सूचना जारी गर्दै संस्थापक समूहअन्तर्गत रहेको उक्त सेयर खरिदका लागि हालका संस्थापक सेयरधनीलाई आवेदन दिन आह्वान गरेको हो।
कम्पनीका अनुसार बिक्रीमा राखिएको सेयरमा प्रारम्भिक चरणमा विद्यमान संस्थापक सेयरधनीले मात्र खरिद आवेदन दिन पाउनेछन्। इच्छुक संस्थापक सेयरधनीले सूचना प्रकाशित भएको मितिले ३५ दिनभित्र कम्पनीको सञ्चालक समितिसमक्ष आवश्यक प्रक्रिया पूरा गरी आवेदन बुझाउनुपर्नेछ।
निर्धारित अवधिभित्र संस्थापक सेयरधनीबाट पर्याप्त आवेदन प्राप्त नभएमा बाँकी सेयर अन्य व्यक्ति वा संस्थालाई बिक्रीका लागि खुला गरिने कम्पनीले जनाएको छ।
संस्थापक सेयर खरिदसम्बन्धी थप जानकारी तथा आवश्यक विवरणका लागि इच्छुक लगानीकर्ताले काठमाडौंको तीनकुनेस्थित प्रोग्रेशिभ फाइनान्सको केन्द्रीय कार्यालयमा सम्पर्क गर्न सक्नेछन्। कम्पनीले प्रचलित कानुनी व्यवस्था तथा नियामकीय प्रावधानअनुसार सेयर बिक्री प्रक्रिया अगाडि बढाइने जनाएको छ।
Discussion about this post