जनकपुरधाम/असार १३ गते। जलवायु परिवर्तनका असर, जलवायु न्याय तथा युवाको भूमिकाबारे सचेतना अभिवृद्धि गर्ने उद्देश्यले जनकपुरधाममा ‘जलवायु न्याय युवा संलग्नता २०२६’ को अन्तर्गत ‘जलवायु न्याय सम्बन्धी कार्यशाला: जागरूकलाई कार्यमा परिणत गर्दै’ विषयक एकदिने कार्यशाला शनिबार सम्पन्न भएको छ।
जनकपुरधाममा आयोजित कार्यशालामा जलवायु परिवर्तनका कारण उत्पन्न चुनौती, वातावरण संरक्षण, दिगो विकास तथा जलवायु न्याय सुनिश्चित गर्न युवाहरूको सक्रिय सहभागिताको आवश्यकता विषयमा छलफल गरिएको थियो।
कार्यक्रम डिगो विकास इन्स्टिच्युट (Digo Bikas Institute), CJAI र ओरेक को संयुक्त आयोजनामा सम्पन्न भएको हो। कार्यक्रममा कायपलट तथा लियो क्लब अफ मिथिला अदर्शको सहकार्य रहेको थियो।
कार्यशालामा विभिन्न क्षेत्रका युवा, सामाजिक अभियन्ता तथा सरोकारवालाहरूको सहभागिता रहेको आयोजकले जनाएको छ। सहभागीहरूले जलवायु परिवर्तनका स्थानीय प्रभाव, समुदायस्तरमा गर्न सकिने पहल तथा युवाले नेतृत्वदायी भूमिका निर्वाह गर्नुपर्ने विषयमा विचार आदानप्रदान गरेका थिए।
आयोजकका अनुसार कार्यशालाले जलवायु न्यायसम्बन्धी सचेतनालाई व्यवहारमा रूपान्तरण गर्दै युवाहरूलाई वातावरण संरक्षण तथा दिगो विकासका अभियानमा सक्रिय बनाउन सहयोग पुग्ने विश्वास लिइएको छ।
Discussion about this post