लियो क्लब अफ जनकपुरधामको साधारणसभा सम्पन्न, अध्यक्षमा प्रविन कुमार महतो निर्विरोध निर्वाचित

धनुषा/असार ७ गते । लियो क्लब अफ जनकपुरधामको साधारणसभा सम्पन्न भएको छ । साधारणसभाले क्लबको आगामी कार्यकाल २०२६/२७ का लागि नयाँ नेतृत्व सर्वसम्मत रूपमा चयन गरेको छ ।

साधारणसभाको प्रमुख अतिथिका रूपमा लायन्स क्लब अफ जनकपुरधामका अध्यक्ष डा. राजेशको उपस्थिति रहेको थियो । साधारणसभाबाट वर्ष २०२६/२७ का लागि लियो प्रविन कुमार महतो अध्यक्षमा निर्विरोध निर्वाचित भएका छन् । त्यसैगरी क्लब एडभाइजरमा गोपाल प्रसाद साह चयन भएका छन् ।

नवनिर्वाचित कार्यसमितिअन्तर्गत फर्स्ट भाइस प्रेसिडेन्ट (प्रथम उपाध्यक्ष) मा कृष्ण साह, सेकेन्ड भाइस प्रेसिडेन्ट (द्वितीय उपाध्यक्ष) मा भवानी साह, सचिवमा अनिकेत झा, सहसचिवमा निशान्त ओझा, कोषाध्यक्षमा अभिषेक मण्डल तथा जनसम्पर्क अधिकृत (पीआरओ) मा अजय महतो निर्विरोध निर्वाचित भएका छन् ।

निर्वाचन आयुक्त तथा लियो क्लब अफ जनकपुरधामका पूर्व अध्यक्ष विकाश साहले नवनिर्वाचित पदाधिकारीहरूको नाम घोषणा गरेका थिए ।

कार्यक्रममा वक्ताहरूले युवाहरूको नेतृत्व विकास, सामाजिक सेवामा सक्रिय सहभागिता तथा समुदायप्रति उत्तरदायी भूमिका निर्वाह गर्न लियो क्लबले महत्वपूर्ण योगदान पुर्‍याउँदै आएको उल्लेख गरेका थिए । नवनिर्वाचित नेतृत्वलाई सफल कार्यकालका लागि शुभकामना व्यक्त गर्दै क्लबलाई अझ सशक्त र प्रभावकारी बनाउने विश्वास समेत व्यक्त गरिएको थियो ।

कार्यक्रममा अतिथिका रूपमा लायन्स क्लब अफ जनकपुरधामका नवनिर्वाचित अध्यक्ष प्रशुन्न झा, लायन्स गोपाल प्रसाद साह, लायन्स क्लब अफ जनकपुरधाम गार्गीकी जमुना भुजेल, सरिता साह, लियो क्लब अफ जनकपुरधामका पूर्व अध्यक्षहरू विकाश साह, भारती साह, रितिक सिंह लगायतको सहभागिता रहेको थियो । साथै लियो क्लब अफ जनकपुरधाम क्यापिटल तथा लियो क्लब अफ जनकपुरधामका पदाधिकारी एवं सदस्यहरूको उल्लेखनीय उपस्थिति रहेको थियो ।