बारामा दुई भारतीय मोटरसाइकल दुर्घटना हुँदा सिम्रौनगढका एकजनाको मृत्यु

बारा/चैत ३ गते। बारामा दुई भारतीय मोटरसाइकल एकापसमा ठक्कर खाँदा सिम्रौनगढका एकजनाको मृत्यु भएको छ। जिल्लाको सिम्रौनगढ नगरपालिका वडा नं ५ स्थित सडकमा बीआर ०५ एए ८४४४ नम्बरको मोटरसाइकलले बीआर ३० भी ४६३७ नम्बरको मोटरसाइकललाई सोमबार बेलुकी ठक्कर दिँदा बीआर ३० भी ४६३७ नम्बरको मोटरसाइकलमा सवार सिम्रौनगढ नगरपालिका वडा नं ५ बस्ने ४५ वर्षिय सुरेन्द्र महतोको मृत्यु भएको छ ।

दुर्घटनामा गम्भीर घाइते भएका उनको प्रादेशिक अस्पताल कलैयामा उपचारको क्रममा मृत्यु भएको जनाइएको छ। साथै दुर्घटनामा घाइते भएका बीआर ३० भी ४६३७ नम्बरको मोटरसाइकल चालकको समाज अस्पताल कलैयामा र सोही मोटरसाइकलमा सवार १ जनाको हिमाल अस्पताल वीरगन्जमा उपचार भइरहेको छ ।