सप्तरी/चैत १५ गते। सप्तरीमा मोटरसाइकल पुलमा ठाेक्किँएर दुर्घटना हुँदा एक जनाको मृत्यु भएको छ ।
अग्नीसाइर कृष्णासवरण गाउँपालिका ४ बनौलीस्थित भित्री सडक खण्डमा राजविराजबाट कंचनपुरतर्फ जाँदै गरेको प्र २–०१–००१ प ४९१५ नम्बरको मोटरसाइकल अनियन्त्रित भई पुलको पिलरमा ठोक्किएको हो ।
दुर्घटनामा मोटरसाइकलको पछाडि सवार महदेवा गाउँपालिका ४ का ३५ वर्षीय श्रवणकुमार यादवको मृत्यु भएको सप्तरीका डीएसपी ढुण्डीराज न्यौपानेले बताए ।
उनका अनुसार पुलको पिलरमा ठोक्किएर मोटरसाइकल दुर्घटना हुँदा चालक भारत बिहारको सुपौल जिल्ला डंगमारा बस्ने २३ वर्षीय अजयकुमार मण्डल र पछाडि सवार श्रवण गम्भीर घाइते भएका थिए । दुवै जनालाई उपचारका लागि गजेन्द्रनारायण सिंह अस्पताल राजविराज ल्याइएकोमा श्रवणको उपचारको क्रममा मृत्यु भएको न्यौपानेले बताएका छ्न ।
Discussion about this post