चैत ६ गते। बाघको आक्रमणबाट एक महिलाको मृत्युु भएको छ ।
मृत्यु हुनेमा पर्साकाे ठोरी गाउँपालिका–४ मालीबस्तीकी ४० वर्षीया कलावती खत्रीको रहेका छन् । इलाका प्रहरी कार्यालय ठोरीका प्रमुख प्रहरी निरीक्षक सन्तोष राईका अनुसार साेमबार साँझ ४ बजेर ५० मिनेटमा खत्रीको शव पर्सा राष्ट्रिय निकुन्जको मध्यवर्ती क्षेत्रमा फेला परेको थियो ।उनी जंगलमा घाँस काटन एक्लै गएकी थिइन् ।
महिलालाई आक्रमण गरी ज्यान लिने बाघ भने जंगलतिर भागेकाे स्थानीयले बताएका छन्। मृतक महिलाको शव परीक्षणको लागि नारायणी अस्पतालमा पठाइएको इलाका प्रहरी कार्यालय ठाेरीले जनाएको छ। यसअघि गत पुसमा पनि बाघले पटेर्वा सुगौली गाउँपालिका- २ मा पनि एक जनाको ज्यान लिएको थियो । दुई दिनअघि मात्रै पर्साको जंगल नजिकैको गाडीमा आतंक मच्चाउने एउटा बाघलाई बन टोलीले नियन्त्रणमा लिएको थियो
Discussion about this post