फागुन २० गते। जनकपुरधाम–जलेश्वर सडक खण्ड बिन्धीमा बसले किच्दा एकजनाको मृत्यु भएको छ भने ५ जना गम्भिर घाइते भएको छ । मृत्यु हुनेमा जनकपुरधाम उपमहानगरपालिका २३ विन्धीकी अन्दाजी ३०÷३५ वर्षीया राखी देवी यादव रहेको प्रहरीले जनाएको छ । दुर्घटनामा १ बच्चा सहित ५ जना महिलाहरु घाइते भएको प्रहरीले जनाएको छ । यद्यपि विस्तृत विवरण आउन वाँकी छ ।
घाइतेहरुमा स्थानीय पशुपति देवी यादव, अम्बिका झा, भुवनेश्वरी झा, ममता देवी, बलकिया देवी र बालक सोनु कुमार साह छन् ।उनीहरुको प्रादेशिक अस्पताल जनकपुरमा भइरहेको छ । विवाहको लागि मटकोरको माटो पोखरीबाट महिलाहरु गइरहेको बेला तिव्रगतिमा रहेको स्कुल बसले ठक्कर दिएको स्थानीयले बताएका छन् ।
दुर्घटनापछि आक्रोषित भिडले बसमा तोडफोड गरेको छ । स्थिति नियन्त्रणमा राख्न प्रहरी परिचालन गरिएको छ । दुर्घटनाको विस्तृत बिवरण आउन बाकी रहेको प्रहरीले जनाएको छ ।
Discussion about this post