माघ २८ गते। विराटनगरको बरगाछीमा ट्रकको ठक्करबाट एकजनाको मृत्यु भएको छ।
विराटनगर महानगरपालिका-२ र ५ को सिमानामा पर्ने बरगाछीमा बागमती प्रदेश ०३-००१ ख १४११ नम्बरको ट्रकले को. ३६ प २८८९ नम्बरको स्कुटरलाई ठक्कर दिएको हो ।
ठक्करबाट स्कुटर चालक सुनसरीको दुहवी नगरपालिका-९ का अन्दाजी २५ वर्षीय नगेनकुमार चौधरीको मृत्यु भएको प्रहरीले जानकारी दिएको छ । गम्भीर घाइते भएका उनलाई कोशी अस्पतालतर्फ लैजाने क्रममा बाटैमा मृत्यु भएको हाे । दुर्घटनापछि आक्रोसित भिडले ट्रकमा आगजनी गरेको थियो ।
आगजनीबाट ट्रकको अगाडिको भाग जलेको छ । आगजनीमा संलग्न भएको आशंकामा प्रहरीले २ जनालाई नियन्त्रणमा लिएको छ ।
दुर्घटनापछि स्थानीयले ट्रकमा आगजनी गरेका छन् । ट्रकमा लगाएको आगो दमकलको सहयोगमा निभइएको मोरङका एसपी दीपक पोखरेलले बताए । दुर्घटनाबारे प्रहरीले अनुसन्धान गरिरहेको छ ।
Discussion about this post