सिरहाको मिर्चैयास्थित होटलमा विराटनगरका पुस्तक व्यवसायी सिद्धान्त भट्टराई मृ त फेला

श्रावण २४ गते । सिरहाको मिर्चैयास्थित होटलमा एक युवक मृ त अवस्थामा फेला परेको छ। 

विराटनगर १० का स्थायी बासिन्दा २५ वर्षीय सिद्धान्त भट्टराईको शव सिराहाको मिर्चैया नगरपालिका ५ कटारी चोकस्थित होटेलको पछाडि आज बिहान फेला परेको हो । भट्टराई स्टेशनरीका होलसेल व्यवसायी हुन् । 

उनले विराटनगरस्थित पाथीभरा कापी उद्योग सञ्चालन गरेका थिए । इलाका प्रहरी कार्यालय मिर्चैयाका प्रमुख प्रहरी नायव उपरीक्षक जितेन्द्र कुमार बस्नेतले भट्टराईको शव होटेलको पछाडि शौचालय नजिक भेटिएको हो । 

विराटनगरबाट बुधबार बिहान सबेरै मृतकका आफन्त मिर्चैया पुगेका छन् । प्रहरीले शव पोस्टमार्टमका लागि पठाउने तयारी गरेको छ भने होटेलमा जडान गरिएको सिसी क्यामेराको फुटेज लगायतका प्रमाण हेरेर अनुसन्धान गरिने जनाएको छ ।

भट्टराई होटेलको पछाडिपट्टि जिन्स पाइन्ट लगाएको र कम्मरदेखि माथि पट्टिको भागमा लुगा नभएको अवस्थामा मृत भेटिएका हुन् । उनको घाँटी सिक्री र पाइन्टको गोजीमा मोबाइल फेला परेको छ ।

प्रहरीका अनुसार सहदेव होटलमै खाजा खाना खाएका भट्टराई शम्भु होटलमा गएका थिए। त्यहाँ भट्टराईले एउटा वियर लिएको बताए। उनले वियर खाएकै ठाउँमा सर्ट खोलेर कुर्सिमा झुड्याएको अवस्थामा फेला परेको प्रहरीको भनाई छ। भट्टराईको शव भने कोठाभन्दा बाहिर फेला परेको प्रहरीको भनाई छ।

होटदका सञ्चालक शम्भु साहले भट्टराई राती ११ बजेको आसपासमा आफ्नो होटलमा आएको बताए। उनले वियर माँगेर पीएको र केहीवेरमा शौचालय कता छ? भन्दै शोधेको बताए। उनले भने, ‘मैले शौचालय देखाईदिएँ, शौचालयबाट फर्कने क्रममा भित्र नआई माथि छतमा चड्यो होला, छतबाट लडेको हुनक्छ।’

साहले भने, ‘हामी काममा भएकोले तत्काल थाहा पाएनौं, राती एक बजे मैले नै देखें र तत्काल प्रहरीलाई खवर गरेको हुँ, प्रहरी पनि तत्काल आई पुग्यो।’

होटल सञ्चालकले राती अवेर आएको ग्राहक कता गयो भनेर थाहा नपाउने भनेपछि घटना झन संङ्कास्पद भएको स्थानियले आशंका गरेको छ।

शव अहिले घटनास्थलमै रहेको छ। मृतकका आफन्त आईरहेकोले शव उनीहरुकै उपस्थितिमा उठाउने गरी राखिएको प्रहरीको भनाई छ।