सिरहा/श्रावण २२ गते । मोरङ जिल्लाको बिराटनगर स्थित मारबाडी सेवा सदन भित्रै रहेको बलाजी भोजनालयको खानाले सिरहाका अधा दर्जन पत्रकार बिरामी परेपछि पत्रकारहरुले सामुहिक रुपमा दिएको उजुरीको आधारमा भोजनालयमा आज अनुगमन भएको छ ।
बालाजी भोजनालयमा खाद्य प्रविधि तथा गुण नियन्त्रण कार्यालय ,जिल्ला प्रहरी कार्यालय मोरङका प्रतिनिधि ,जिल्ला प्रशासनका प्रतिनिधिहरुले उक्त भोजनालयमा अनुगमन गरेका हुन । सामुहिक रुपमा परेको उजुरीको आधारमा बालाजी भोजनालयका संचालनलाई तीन दिन भित्र उजुरी उपर उपस्थित हुन निर्देशन दिएका छन ।
बिराटनगर नोबेल अस्पतालमा उपचारर्थ सिरहा लहानको पत्रकार जिबछ यादवको श्रीमतीलाई भेट् गर्न गएका सिरहाको करिब ६ जना पत्रकारले मारबाडी सेवा सदन भित्र रहेको बलाजी भोजनालयमा शाकाहारी खाना खाएका थिए । खाना खाएर उनिहरु सबै बिरामी परेको साथै गुणस्तरहिन खाना खुवाएकै कारण उनिहरुलाई फुड पोइजन भएर अस्वस्थ भएको स्थानीय चिकित्सकहरुले बताएका थिए ।
मानिसको जिबन संग दिन दहाडै खेलबाड गर्ने यी बलाजी भोजनालय बन्द र त्यसका संचालक लाई कार्यबाही गरि बिरामिहरुको उचित क्षतिपूर्ति समेत भराई पाउँ भन्दै खाद्य प्रबिधि तथा गुण नियन्त्रण कार्यालय बिराटनगर मोरङलाई मेल बाट उजुरी परेको थियो । पत्रकार महासंघ सिरहाको पुर्व सभापति देब कुमार यादव, जिल्ला सचीव शिव दयाल यादव पत्रकार राम पुकार यादव ,नरेश बरबरिया ,सोनु मिश्रा लागयत एक ड्राइभर बिरामी परेका थिए ।
आम उपभोक्ताहरुको स्वास्थ्य सुबिधा कायम राख्न र खाद्य पदार्थमा कुनै किसिमको मिसावट नगर्न खाद्य प्रबिधि तथा गुण नियन्त्रणको उदेश्य नै रहदा बिराटनगर बलाजी भोजनालयले यसरी स्तरहिन खाना बिक्री बितरण गरि उपभोक्ताहरुलाई ठगी गरि रहेको मात्र होइन उनिहरुको स्वास्थ सँग खेल्बाड भैरहेको ठ्म्याई रहेको छ ।
Discussion about this post