मोटरसाइकल आफैँ अनियन्त्रित भई दुर्घटनाहुँदा बाराका दुई जनाको मृ त्यु

बैशाख २१ गते । मकवानपुरको भीमफेदी गाउँपालिका– ६ जुरिखेतस्थित हेटौँडा–भीमफेदी–कुलेखानी–काठमाडाैं सडकखण्डमा मोटरसाइकल दुर्घटना हुँदा बारा जिल्लाका दुईजनाको मृ त्यु भएको छ । 

जिल्ला प्रहरी कार्यालय मकवानपुरले दिएको जानकारीअनुसार बुधबार साँझ काठमाडौंबाट हेटौँडातर्फ आउँदै गरेको बागमती प्रदेश ०२ ०२० प ४२३७ नम्बरको मोटरसाइकल आफैँ अनियन्त्रित भई दुर्घटना भएको थियो । 

दुर्घटनामा परी मोटरसाइकलचालक बारा जिल्लाको पर्सौनी नगरपालिका– ५ का २५ वर्षीय लालबाबु सहनी मलाहा र मोटरसाइकलको पछाडि बसेका सोही स्थानका २० वर्षीय गोरख भन्ने रवीन्द्र मण्डलको मृत्यु भएको हो ।

दुर्घटनामा परी घाइते भएका मोटरसाइकलचालक मलाहाको हेटौँडा अस्पतालमा उपचारका क्रममा र पछाडि बसेका मण्डलको घटनास्थलमै मृत्यु भएको जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले जानकारी दिए । मृतक दुवैजनाको शव हेटौँडा अस्पतालमा रहेको प्रहरीले जनाएको छ ।