छोरीको डोली उठाउनुअघि दाइजोका गरगहनासहित प्रेमीसँग भागिन् आमा

छोरीको बिहेका लागि ल्याएको गरगहनासहित आमा प्रेमीसँग भागेकी छिन् । यो लाजमर्दो घटनाले आमा छोरीको सम्बन्धलाई कलङ्कित बनाएको छ ।

छोरीको डोली उठाउनु भन्दा ठिक १० दिनअघि नै आमा छोरीको दाइजोका लागि ल्याएका गहना लिएर प्रेमीसँग भागेकी हुन् । पीडित परिवारले प्रहरी चौकीमा पुगेर न्याय मागेको छ ।

घटना भारत, उत्तराखण्ड, हरिद्वारको मंगलोर क्षेत्रमा पर्ने एउटा गाउँको हो । जानकारी अनुसार एक वर्षअघि ती महिलाका श्रीमानको मृत्यु भएको थियो । त्यसपछि उनी एक एक युवकसँग प्रेममा थिइन् । यसबीच घरमा उनकी छोरीको बिहेको तयारी सुरु भयो ।

बिहेको समय नजिकिएपछि घरका अन्य सदस्यहरूले छोरीको बिहेको लागि दाइजो उठाउन थाले, छोरीका लागि गहना पनि मगाएका थिए । तर छोरीको डोली उठ्नुअघि नै आमा दाइजोका गरगहना लिएर आफ्ना प्रेमीसँग फरार भइन् । महिला प्रेमीसँग फरार भएको खबर पाउनासाथ घरमा हंगामा मच्चियो ।

विवाह तयारीको खुसियालीमा रमेको परिवारको अनुहार कालो पारेर महिला प्रेमीसँगै बेपत्ता भएकी छिन् । जानकारी अनुसार १० दिन (१४ डिसेम्बर) पछि घरमा जेठी छोरीको बिहे तय भएको थियो । पीडित परिवारले कोतवाली पुगेर फरार महिला र अभियुक्त युवकको खोजी गर्न आग्रह गर्दै उजुरी दिएको छ ।

पहिलो विवाहबाट महिलाका चार सन्तान छन् । जेठी छोरीको विवाहको तयारी हुँदै गर्दा शनिबार रातिदेखि नै महिला हराइरहेकी छिन् । प्रहरीले पनि घटनालाई गम्भीर रुपमा लिएर अनुसन्धान थालेको छ ।