सप्तरी/बैशाख ९ गते । सप्तरी जिल्लाको खडक नगरपालिका ५ खरचुईया बजारस्थित ट्याक्टरबाट धुलो परेको विषयमा मोटरसाइकलमा सवार दुई युवकले ट्याक्टर चालकलाई कु टपिट गरेका छन् ।
प्रहरीका अनुसार राजमार्गमा स्थानिय वडा नं. ३ बस्ने २७ वर्षिय भोला मण्डलले ईट्टा भट्टाको ट्याक्टर लिई शम्भुनाथबाट खरचुईयातर्फ आईरहेको अवस्थामा सोहि दिशातर्फ मोटरसाइकलमा सवार वडा नं. १ सिस्वाबेल्ही निवासी २७ वर्षका राज कुमार साह र २८ वर्षका मनोज कुमार साहले धुलो परेको भन्दै ट्याक्टर चालकलाई कु टपिट गरेका छन् ।
कु टपिटबाट चालक मण्डलको दाहिने हातमा चोट लागेकोले स्थानिय मेडिकल खरचुईयामा उपचार भईरहेको तथा राजकुमार र मनोजलाई प्रहरीले नियन्त्रणमा लिई घटना बारे थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।
Discussion about this post