सुनसरीमा स्कारपियो दुर्घटना हुँदा सप्तरीका एक जनाको मृ त्यु

सुनसरी/माघ २६ गते। सुनसरीको कोशीमा स्थित पूर्व पश्चिम राजमार्गमा स्कारपियो दुर्घटना हुँदा एक जनाको मृ त्यु भएको छ भने ५ जना घाइते भएका छन् ।

मृ त्यु हुनेमा सप्तरी हनुमान नगर कंकालिनी नगरपालिका ५ बस्ने ५० वर्षीय दिलीप मण्डल रहेका छन् । कंकालिनी नगरपालिका ५ कै ६० वर्षीय लक्ष्मण साफी, ३६ वर्षीय राजेश मेहता, ४४ वर्षीय राम कुमार रजक, ४८ बर्षीया राम कुमारी देवी रजक र ५० वर्षीय उमेश कुमार साफी घाइते भएको जिल्ला प्रहरी कार्यालय सुनसरीले जानकारी दिएको छ ।

घाइतेहरूको जिल्ला अस्पताल इनरुवा सुनसरीमा उपचार भई रहेको छ । मङ्गलवार राती ९ बजे पश्चिमबाट पूर्वतर्फ आउँदै गरेको प्रदेश नं. २-०१-००१ च ००३१ नम्बरको स्कार्पियो गाडी रोकी राखेको BR- 01-GA – 4483 नम्बरको भारतीय ट्रक ठोक्किएर अनियन्त्रित हुँदा पूर्वबाट पश्चिम तर्फ जाँदै गरेको ना ७ ख ५८३ नम्बरको ट्रकमा समेत स्कारपियो ठोक्किएर दुर्घटना भएको प्रहरीले जनाएको छ ।

दुर्घटनामा संलग्न तिन वटै सवारी साधन नियन्त्रणमा लिई थप अनुसन्धान भइरहेको प्रहरीले बताएको छ ।