सप्तरीको बोदे बरसाईनमा माेटरसाइकल दुर्घटना हुँदा एक युवकको मृ त्यु

सप्तरी/मंसिर ५ गते। सप्तरीको बोदे बरसाईन नगरपालिका–७ हैठीमा हिजो साँझ मोटरसाइकल दुर्घटना हुदाँ एक युवकको मृ त्यु भएको छ । स ६ प ५०६० नम्वरको मोटरसाइकल अनियन्त्रित भएर दुर्घटनामा परेको हो ।

दुर्घटनामा मोटरसाइकल चालक खडक नगरपालिका–११ बनौलीका २३ वर्षीय मोहम्मद सहजाद आलमको मृ त्यु भएको जिल्ला प्रहरी कार्यालयका प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।

दुर्घटनामा गम्भीर घाइते भएका आलमको उपचारको लागि गजेन्द्रनारायण सिंह अस्पताल राजविराज ल्याइएको थियो । उपचारको क्रममा उनको ज्या न गएको प्रवक्ता प्रहरी नायव उपरीक्षक काफ्लेले बताए ।दुर्घटनाबारे थप अनुसन्धान भइरहेको जनाएको छ । फोटो-फाईल तस्वीर बाट