देश बिकासको लागि भ्रष्टाचार रोक्नुपर्ने : डा. सिके राउत

अरुण कुमार यादव/सप्तरी/कात्तिक १५ गते।जनमत पार्टीका राष्ट्रिय अध्यक्ष डा. सिके राउतले देशको विकास र सुशासनका लागि बिभिन्न निकायमा भइरहेको भ्रष्टाचार तत्काल रोकन्ुापर्ने बताएका छन ।

सप्तरीको कंचनरुप नगरपालिका ३ स्थित बरमझियामा आज जनमत पार्टी नगर समिति कंचनरुपद्वारा आयोजित विशाल आमसभालाई सम्बोधन गर्दै उनले हरेक सरकारी निकायमा गैरकानुनिरुपमा भइरहेको घुसखोरीका कारण देशमा चरम भ्रष्टाचारले सीमा नाघेको बताए ।

देशको बिकास र समृद्धि प्रमुख बाधक भ्रष्टाचार नै रहेको भन्दै यसलाई नियन्त्रण गनुपर्ने उहााले जोड दिए ।डा. राउतले भने देशको तीन वटै तहको भ्रष्टाचार उन्मूलन गर्न आफनो पार्टी संघर्षमा छ, देशमा बर्तमान अबस्थामा शासन र प्रशासनमा रहेको राजनैतिक पार्टीहरुले भ्रष्टाचारीलाई संरक्षण दिएको आरोप लगाए ।

देश चलाउने पार्टीहरु भ्रष्टाचारीको मोतियार बनेको भन्दै देशलाई चरम गरिवीको चपेटामा पारेको समेत आरोप लगाएका छन ।
उनले भ्रष्टाचारीलाई जनताले जनकारबाही गर्नु शुरु गरिसकेको बताउँदै देशको बिकास र सुशासनका लागि आफु जनमत पार्टी स्थापना गरेको बताए ।

अध्यक्ष डा. राउतले सदियौंदेखि विभेदमा परेका मधेशी, आदिबासी जनजाति, मुश्लिम दलित, महिलाल गायतका अधिकारबाट बञ्चित समुदायको मुक्तिका लागि जनमत पार्टीमा आबद्ध हुन आह्वान समेत गरेका छन ।

कार्यक्रममा जनमत पार्टीका उपाध्यक्ष मो.अब्दुल खानले मसेसी जनताको अधिकार प्राप्त गर्न अगामी निर्वाचनमा जनमत पार्टीका उम्मेदवारलाई भारी मतले बिजयी गराउन आग्रह गरेका छन ।

उनले बेरोजगारी, उपचार, भोकमरीलगायतको जातीय बर्गीय समस्या समाधानका लागि जनमत पार्टीको नेतृत्व आबश्यक समेत बताउनुभयो ।जनमत पार्टी कंचनरुप नगर समितिका अध्यक्ष अनिल पंजियारको अध्यक्षतामा आयोजित कार्यक्रम सम्पन्न भएको थियो ।