सप्तरी/कार्तिक १० गते।सप्तरीमा बसको ठक्करबाट एक महिलाको मृ त्यु भएको छ।
सप्तरीको खडक नगरपालिका ७ कल्याणपुर चोकमा को १ ख ७७८४ नम्बरको बसले ठक्कर दिंदा स्थानीय ४५ वर्षीया ठण्डेश्वरी भगतको मृत्यु भएको छ । पैदल हिंडिरहेकी भगतलाई गएराति साढे ११ बजे बसले ठक्कर दिएको थियो ।
उनलाई उपचारको लागि रुपनीस्थित युनिक अस्पताल पुर्याउनासाथ डाक्टरले मृत घोषणा गरेका थिए । ठक्कर दिने बस र बसको चालकलाई इलाका प्रहरी कार्यालय कल्याणपुरले नियन्त्रणमा लिएको छ ।
उनको शव पोस्टमार्टमको लागि गजेन्द्र नारायण सिंह अस्पताल राजविराज राखिएको र बस र बस चालकलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।
Discussion about this post