जनकपुरधाम/भदौ २५ गते ।धनुषाको विदेह नगरपालिका–६ एकराहीमा बिहिबार राति करिव ११ः३० बजे मोटरसाइकलको ठक्करबाट एक महिलाको ज्यान गएको छ ।
ज्यान जानेमा पल्टु महराकी ४० वर्षीया पत्नी दलितिया देवी महरा जिल्ला प्रहरी कार्यालय धनुषाले दिएको जानकारी दिएको छ।
जिल्ला प्रहरी कार्यालय धनुषाले दिएको जानकारी अनुसार बिहिबार राति ज.७प. ९८१२ नम्बरको मोटरसाइकलले पैदल हिँडिरहेकी महरालाई ठक्कर दिँदा उनी गम्भीर घाइते भएकी थिइन् ।
गम्भीर घाइते भएकी उनको प्रादेशिक अस्पताल जनकपुरमा उपचारको क्रममा राति १ बजे ज्यान गएको जिल्ला प्रहरी कार्यालय धनुषाले जनाएको छ ।
ठक्कर दिने मोटरसाइकल र चालकलाई प्रहरीले नियन्त्रणमा लिएको जनाएको छ।
Discussion about this post