महोत्तरी/असार २८ गते। महोत्तरीमा भएको सवारी दुर्घटनामा एक युवतीको मृत्यु भएको छ । महोत्तरीको गौशाला नगरपालिका–५ कठुधारमा ज ११ प ५००३ नम्बरको मोटरसाइकल आफैं अनियन्त्रित भई दुर्घटना हुँदा त्यसमा सवार युवतीको मृत्यु भएको हो ।
मृत्यु हुनेमा औरही नगरपालिका–४ कविलासाकी २३ वर्षीया निशा साह रहेको जिल्ला प्रहरी कार्यालय महोत्तरीका प्रवक्ता प्रकाश विष्टले जानकारी दिए ।
दुर्घटनामा गम्भीर घाइते भएकी उनको प्रादेशिक अस्पताल जनकपुरधाममा उपचारको क्रममा मृत्यु भएको हो । दुर्घटनापछि मोटरसाइकललाई नियन्त्रणमा लिइएको र फरार भएका चालकको खोजी भइरहेको प्रहरीले जनाएको छ ।
Discussion about this post