टिपरको ठक्करबाट एक मोटर साइकल यात्रुको ज्यान गयो

धर्वेन्द्र कुमार यादव(यदुवंशी) /महोत्तरी/असार ४ गते।सर्लाहीमा टिपरको ठक्करबाट एक मोटर साइकल यात्रुको घटना स्थल मै ज्यान गएको छ ।

जिल्ला प्रहरी कार्यालय सर्लाहीको अनुसार हरिपूर्वा नपा ८ मा टिपरको ठक्करबाट एक मोटर साइकल यात्रुको ज्यान गएको हो ।
ज्यान जानेमा सर्लाहीको ईश्वरनगरपालिका १३ बस्ने ३० वर्षीय अर्जुन महतो रहेको प्रहरीले जनाएको छ ।

आज दिउँसो ४ बजे तिर ज ७ प ९०४२ नम्बरको मोटर साइकलमा गइरहेको महतोलाई विपरीत दिशाबाट तिब्र गतिमा आईरहेको टिपरले ठक्कर दिएको थियो । टिपरले ठक्कर दिएपछि मोटरसाइकल सहित लडेको महतोको टाउँकोबाट नै टिपरको चक्का चलेकोले तत्कालै घटना स्थल मै ज्यान गएको प्रत्यक्षदर्शी स्थानीयहरुले बताएको छ ।

घटना पश्चात आक्रोशित स्थानीयहरुले टिपरमा आगजनी गरेका छन् । स्थानीयहरुले बजार क्षेत्रमा पनि तिब्र गतिमा टिपर चलाएकोले घटना भएको भन्दै टिपरमा आगजनीको साथै सडक अवरुद्ध गरेर अहिले प्रदर्शन गरिरहेका छन् ।

अहिले प्रहरी घटना स्थलमा पुगेर प्रदर्शन नियन्त्रण गर्ने प्रयास गरिरहेको छ भने टिपर चालकलाई पक्रा उ गरेको छ ।