उमेश कुमार साह/सप्तरी/असार १ गते। सप्तरीको बोदे बरसाईन–विसनपुर सडकखण्डमा ट्याक्टरको ठक्करबाट मोटरसाइकलमा सवार एक जना युवकको ज्यान गएको छ ।खडक नगरपालिका–८ पहाडे भदिया चौकस्थित स १ त २७२६ नम्बरको ट्याक्टरले गए राति अनटेष्ट मोटरसाइकललाई ठक्कर दिएपछि दुर्घटना भएको हो ।
दुर्घटनामा सोही ठाउँका २२ वर्षीय अनिल चौधरीको ज्यान गएको जिल्ला प्रहरी कार्यालयका डिएसपी माधव प्रसाद काफ्लेले बताए ।दुर्घटनामा गम्भीर घाइते भएका चौधरीलाई उपचारको लागि लहानस्थित राउ स्मारक अस्पताल पठाउँदा ज्यान गएको उनले बताए । ठक्कर दिने ट्याक्टर नियन्त्रणमा लिएर दुर्घटनाबारे थप अनुसन्धान भइरहेको प्रहरीले जनाएको छ ।
Discussion about this post