सिरहामा मोटरसाइकल दुर्घटना हुँदा प्रधानाध्यापकको ज्यान गयो, २ जना गम्भीर घाइते

सिरहा,जेष्ठ ९ गते । चोहर्वा सिरहा सडक अन्तर्गत विष्णुपुर गाउँपालिका–१ मा शनिवार भएको मोटरसाइकल दुर्घटनामा एक जनाको मृत्यु भएको छ भने दुईजना घाइते भएका छन् । स ९ प ७२०३ नम्बरको मोटरसाइकलले विवरीत दिशाबाट आउँदै गरेको यादवको स १ प ७९८१ नम्बरको मोटरसाइकललाई ठक्कर दिँदा घाइते स्थानीय राजेन्द्रप्रसाद यादवको उपचारको क्रममा मृत्यु भएको हो ।

मृतक यादव विष्णपुर गाउँपालिका ५ लक्ष्मीपुर माविका प्रधानाध्यापक हुन् । दुर्घटनामा दुई जना भने घाइते छन् । घाइतेहरू स ९ प ७२०३ नम्बरको मोटरसाइकलमा सवार कल्याणपुर १ का २० वर्षिय रमेश माझी र २२ वर्षिय सिकिन्दर वाँतर रहेको जिल्ला प्रहरी कार्यालय सिरहाका सुचना अधिकारी तथा डिएसपी शालिग्राम शमाले जनाएको छ ।उनीहरूको अवस्था गम्भीर रहेको र थप उपचारका लागि विराटनगर पठाइएको प्रहरी जानकारी दिए ।