जनकपुरधाम,माघ १८ गते। जिल्ला प्रहरी कार्यालय धनुषाले मोटरसाइकल चोरी गर्ने एक गिरोहलाई सार्वजनिक गरेको छ । विभिन्न ठाउँबाट ६ वटा मोटरसाइकल चोरीमा संलग्न रहेको आरोपमा ५ जनालाई प्रहरीले सार्वजनिक गरेको हो । धनुषाको सशस्त्र प्रहरी बल नक्टाझिझमा कार्यरत सशस्त्र प्रहरी जवान मिथिलेशकुमार राउतको पार्किङ गरि राखिएको मोटरसाइकल चोरी भएपछि धनुषा प्रहरीले चोरी भएको मोटरसाइकल पत्ता लगाउने क्रममा चोरहरुको गिरोहलाई पक्राउ गर्न सफल भएको जिल्ला प्रहरी प्रवक्ता तथा प्रहरी नायव उपरीक्षक मकेन्द्रकुमार मिश्रले जानकारी दिए ।
पक्राउ पर्नेहरुमा सिरहा विष्णुपुर गाउँपालिका ३ स्थित रजोखैरका रोहितकुमार यादव, विष्णुपुर गाउँपालिका २ स्थित राजपुरका प्रमोदकुमार यादव, विष्णुपुर–२ कै मनोजकुमार यादव, धनुषाको सबैला नगरपालिका वडा नम्बर ४ स्थित पटेर्वाका अमरेन्द्रकुमार यादव रहेका छन् । चोरीको मोटरसाइकल खरिद गर्ने धनुषा क्षिरेश्वरनाथ नगरपालिका महेन्द्रनगरका जितेन्द्र यादवलाई समेत प्रहरीले पक्राउ गरेको प्रवक्ता मिश्रले बताए । पक्राउ पर्ने सबै २५ वर्ष मुनिका रहेको उनले बताए।
सशस्त्र प्रहरी जवान मिथिलेशको चोरिएको ज ८प ८७७५ नम्बरको माेटरसाइकलसहित प्रहरीले रोहितलाई क्षिरेश्वरनाथ नगरपालिका-९ स्थित जलाद खाेला हुँदै जाने क्रममा पक्राउ गरेको थियो । उनी पक्राउ परेपछि अन्य ३ वटा माेटरसाइकल पनि उसैले चाेरी गरेकाे खुल्याे ।
रोहितकै बयानका आधारमा ज १२ प ६११८ नम्बरकाे २ सय सीसीकाे पल्सर, स ७ प ५२०३ नम्बरकाे डिस्कभर र काे ३२ प ७६४ नम्बरकमे स्प्लेन्डर मोटरसाइकल प्रहरीले बरामद गर्यो । राेहितले क्षिरेश्वरनाथ नगरपालिका-५ मा भाडामा लिएकाे काेठाबाट चोरीका मोटरसाइकल बरामद भएको धनुषाका प्रहरी प्रबक्ता मकेन्द्रकुमार मिश्रले जानकारी दिए । राेहितले लक गरिएका माेटरसाइकल समेत चाेरी गर्ने गरेको पाइएकाे उनले बताए ।
उनीहरुबाट प्रहरीले ६ वटा चोरीका मोटरसाइकलहरु पनि बरामद गरेको छ। धनुषा प्रहरीले उनीहरुबाट ज८प ८७७५ नम्बरको अपाचे, ज१२प ६१११८ नम्बरको २२० सीसीको पल्सर, स७प ५२०३ नम्बरको डिस्कभर, को३८प ७६४ नम्बरको सुपर स्प्लेण्डर, स४प ५७४६ नम्बरको २२० सीसीको पल्सर र ना३९प ६३८२ नम्बरको १५० सीसीको पल्सर मोटरसाइकल बरामद गरेको हो । मोटरसाइकल चोरी गर्न प्रयोग भएका केही थान पेच्कस, रिन्च र बैट्री समेत बरामद भएको प्रहरीले जनाएको छ ।
Discussion about this post