पर्सा।पर्सामा आठ किलो अफिमसहित एक जना पक्राउ परेका छन्। पक्राउ पर्नेमा पर्साका कालिकामाई गाउँपालिका १ तीनडुवियाका २९ बर्षीय खोवारी प्रसाद रहेका छन्।
जिल्ला प्रहरी कार्यालय पर्साका प्रहरी नायब उपरीक्षक मनजित कुवरका अनुसार ईलाका प्रहरी कार्यालय पोखरियाबाट खटिएको टोलीले सुराकीका आधारमा गए राति घरमा खानतलासी गर्दा आठ किलो अफिमसहित खोवारीलाई पक्राउ गरेको हो।
पर्सामा लागुऔषधको खेती निर्मुल भएपनि अन्यत्रबाट ल्याएर कारोबार हुनसक्ने सूचनाको आधारमा खानतलासी गरिएको प्रहरी नायब उपरीक्षक कुवरले बताए।
लकडाउन खुल्ला भएपछि पछिल्लो समय सिमावर्ति क्षेत्रमा लागुऔषधको कारोबार फस्टाएको छ। एक सातामै प्रहरीले योसहित ४ जनलाई लागुऔषधसहित पक्राउ गरेको छ।
Discussion about this post