जनकपुर।प्रादेशिक जनस्वास्थ्य प्रयोगशाला जनकपुरका निर्देशक डाक्टर श्रवण कुमार मिश्रले गुणस्तरिय कोरोना परीक्षणका लागि प्रयोगशालालाई अत्याधुनिक बनाउन लागिएको बताएका छन् ।
आज प्रादेशिक जनस्वास्थ्य प्रयोगशाला जनकपुरमा पत्रकार सम्मेलनको आयोजना गरि निर्देशक मिश्रले उपकरणरहित यस प्रयोगशालालाई अब गुणस्तरीय परीक्षणका लागि चाँडै उपकरण सहितको प्रयोगशाला बनाइने बताएका छन् ।
उनले भने प्रदेशमा हाल सञ्चालित प्रयोगशालाहरुलाई व्यवस्थित रुपमा सुदृढिकरण गर्न आवश्यक मेशिनरी इलेक्ट्रिक तथा इलेक्ट्रोनिक्स औजार र उपकरणहरुको व्यवस्थापन एवं जनशक्तिको क्षमता अभिवृद्धि गरि चाँडै सेवा स्तरोन्नती गरिनेछ ।अब गुणस्तरीय परीक्षण यहिंबाट प्रदान हुन्छ ।’ उनले यहाँका जनतालाई अबको केहि दिनमै काठमाडौं अथवा धरान जानुपर्ने बाध्यताको अन्त्य हुने समेत बताएका छन् ।
यस प्रयोगगशालाले जाँचको दायरालाई बढाउँदै मंगलबारसम्म १७ हजार परीक्षण सम्पन्न गरिसकेको बताउँदै निर्देशक मिश्रले भेटनरी प्रयोगशालामा कोभिड–१९ प्रयोगशाला निर्माण गरि छिट्टै सञ्चालनमा ल्याइने दाबी गरे ।
प्रादेशिक जनस्वास्थ्य प्रयोगशाला जनकपुरले सप्तरीको राजविराजस्थित गजेन्द्र नारायण सिंह अस्पतालको प्रयोगशाला र वीरगञ्जस्थित नारायणी उपक्षेत्रिय अस्पतालको प्रयोगशालालाई आवश्यक सहयोग गर्दै रौतहटको गौरमा समेत कोभिड प्रयोगशाला स्थापनमा प्राविधिक सहयोग गरिरहेको निर्देशक मिश्रले जानकारी दिए ।
प्रादेशिक जनस्वास्थ्य प्रयोगशालाको रिपोर्टको विश्वसनियतामाथि प्रश्न उठेकोले गलत रिपोर्टको छानविनका लागि विज्ञ सम्मिलित टोली बनाइने समेत उनले जानकारी दिएका छन् ।
Discussion about this post