अहिले सम्मकै सबैभन्दा बढी थप १३५९ जनामा कोरोना संक्रमणको पुष्टि,आज १४ जना संक्रमीत को मृत्यु पुष्टि

काठमाडौ । पछिल्लो २४ घण्टामा अहिले सम्मकै सबैभन्दा बढी थप १३५९ जनामा कोरोना भाइरस (कोभिड–१९) को संक्रमण पुष्टि भएको छ ।स्वास्थ्य मन्त्रालयका प्रवक्ता डा जागेश्वर गौतमका अनुसार देशभरका प्रयोगशालामा भएको परिक्षणमा १३५९ जनामा कोरोना संक्रमणको पुष्टि भएको छ। यो सँगै कोरोना संक्रमितको संख्या ४४ हजार २३६ पुगेको छ । नेपालमा हालसम्म सक्रिय संक्रमितको संख्या १८ हजार ४०४ रहेको छ ।उनीहरुमध्ये १० हजार ९४२ जना संस्थागत र बाँकी होम आइसोलेसनमा छन् ।

मन्त्रालयका अनुसार काठमाडौं उपत्यकामा मात्र ४५४ जना संक्रमित थपिएका छन् । काठमाडौंमा ३८६, भक्तपुरमा ३६ र ललितपुरमा ३२ जनामा संक्रमण पुष्टि भएको हो ।

चितवनका ८२ जना, सर्लाहीका ८०, मोरङका ७६, कैलालीका ५२, सुनसरीका ४९, बाँकेका ४८, महोत्तरीका ४६, रुपन्देहीका ४४, धनुषाका ४३, झापा र नवलपुरका २८/२८ जना, पर्साका २७, सप्तरीका २६, गोरखाका २६ जना, सुर्खेतका २२, बाराका २१,जुम्लाा २१ जना, कास्कीका २०, धादिङका १९, मकवानपुरका १८, बर्दियाका १४, रामेछापका १३, तनहुँका १२, लमजुङका १० र दैलेखका ९ जनामा कोरोना संक्रमण पुष्टि भएको छ ।

यस्तै काभ्रे, कपिवलस्तुका ७, दाङका ७ जना, पाल्पामा ६, नुवाकोटका ५, कञ्चनपुरमा ५ जना, सिन्धुपाल्चोकका ४, डोटीमा ४ जना, स्याङ्जा, दार्चुला, बझाङका ,बैतडिका ३ जना, ओखलढुंगाका २, खोटाङका २, रौतहटका २, दोलखाका २, सिन्धुपाल्चोकका २,गुल्मीमा २ जना, उदयपुरका १, सिराहाका १, रसुवाका १, म्याग्दीका १, बाग्लुङका १, रुकुम पूर्वका १, रुकुम पश्चिमका १, सल्यानका १, अछाममा १ जना संक्रमित थपिएका छन् ।

नेपालमा पछिल्लो २४ घण्टामा थप १४ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या २७१ पुगेको छ ।

स्वास्थ्य मन्त्रालयका प्रवक्ता डा. जागेश्वर गौतमले नियमित लाइभ अपडेटमा उक्त जानकारी दिएका हुन् ।

मृत्यु हुनेमा ४ महिला र १० पुरुष रहेका छन्। जसमा काठमाडौँकी ८२, ६७ र २२ वर्षीय ३ जना महिला र चितवनकी ३५ वर्षीय १ जना महिला रहेकी छन्।

यसैगरी १० जना पुरुषको मृत्यु भएको छ । जसमा सप्तरीका ५५ वर्षीय २ जना पुरुष, धनुषाका ६५ वर्षीय पुरुष, कास्कीका ३१ वर्षीय पुरुष, नवलपरासीका ३७ वर्षीय पुरुष, प्युठानका ५८ वर्षीय पुरुष, रुपन्देहीका ७८ वर्षीय पुरुष, पाल्पाका ६३ वर्षीय पुरुष र सुर्खेतका ४२ वर्षीय पुरुष रहेका छन् ।