सुनसरी । धरानस्थित बीपी कोइराला स्वास्थ्य विज्ञान प्रतिष्ठानमा कोरोना संक्रमणबाट आमाछोराको मृत्यु भएको छ।१३ भदौ राति अस्पताल भर्ना गरिएका ६० वर्षीय छोरा र उनकी ७४ वर्षीया आमाको मृत्यु भएको हो। धरान उपमहानगरपालिका–१७ रेल्वे निबासी दुवैको आइतबार बिहान मृत्यु भएको हो।
७४ वर्षीय वृद्धाको बिहान साढे ८ बजे मृत्यु भएको थियो। उनलाई हिजो राति ८ बजेर ३७ मिनेटमा प्रतिष्ठानमा भर्ना गरिएको थियो । उनलाई हिजो नै कोरोना संक्रमण पुष्टि भएको थियो । मृतक वृद्धालाई मधुमेह र उच्च रक्तचापको पनि समस्या थियो। यसैगरि, अर्का निधन भएका वृद्धको आज बिहान ७ बजेर ४५ मिनेटमा निधन भएको प्रतिष्ठानले जनाएको छ ।वृद्धलाई पनि मधुमेह र दुई महिनादेखि कलेजोमा समस्या देखिएको अस्पतालले जनाएको छ।
अत्यधिक खोकी, श्वास फेर्न समस्या र साता दिनदेखि ज्वरो आएर गम्भीर भएका उनीहरुलाई शनिबार राति मात्रै अस्पताल भर्ना गरिएको हो।दुवै शवको नियमानुसार व्यवस्थापनको तयारी भइरहेको प्रतिष्ठानले जनाएको छ।
Discussion about this post