रासस,फागुन ८ गते।पूर्वपश्चिम राजमार्गको मेचीनगर–१३ स्थित चारआलीमा सवारी दुर्घटना परी ग्लोबल आईएमई बैंक फिक्कलका शाखा प्रमुख अनन्त आचार्यको मृत्यु भएको छ ।
शुक्रवार मे११प ४४७८ नम्बरको मोटरसाइकलले विपरीत दिशाबाट आउँदै गरेको मे११प ११३१ नम्बरको मोटरसाइकल एकआपसमा ठोक्किँदा उनी गम्भीर घाइते भएका थिए ।
घाइते आचार्यको बिर्तामोडस्थित बीएण्डसी अस्पतालमा उपचारकै क्रममा शुक्रवार राति मृत्यु भएको जिल्ला प्रहरी कार्यालयले जनाएको छ ।
मे११प ११३१ नम्बरको मोटरसाइकलमा सवार २ जना घाइते भई उपचार भइरहेको छ । दुवै मोटरसाइकल प्रहरीको नियन्त्रणमा रहेका छन् ।
Discussion about this post