धनुषा/असार २७ गते। धनुषामा बढ्दो ट्राफिक दुर्घटना न्यूनीकरण तथा सडक सुरक्षालाई प्रभावकारी बनाउने उद्देश्यले जिल्ला ट्राफिक प्रहरी कार्यालय, जिरोमाइलले शनिबार ट्राफिक सचेतना अभियान सञ्चालन गरेको छ।
जिल्ला ट्राफिक प्रहरी कार्यालय धनुषाका प्रमुख प्रहरी निरीक्षक खगेन्द्र कुमार दाहालको नेतृत्वमा मुजेलिया क्षेत्रमा खटिएको ट्राफिक प्रहरी टोलीले सवारी चालक तथा यात्रुहरूलाई ट्राफिक नियमको पालना गर्न आग्रह गर्दै सडक सुरक्षासम्बन्धी जानकारी प्रदान गरेको थियो।
अभियानका क्रममा ट्राफिक नियम उल्लङ्घन गर्ने सवारी साधन तथा चालकहरूको पहिचान गरी प्रचलित कानुनअनुसार कारबाहीसमेत गरिएको जिल्ला ट्राफिक प्रहरी कार्यालयले जनाएको छ।
प्रहरी निरीक्षक दाहालका अनुसार सडक दुर्घटना न्यूनीकरण, सुरक्षित र व्यवस्थित यातायात प्रणालीको विकास तथा सर्वसाधारणमा ट्राफिक नियमप्रति जिम्मेवारीबोध अभिवृद्धि गर्ने उद्देश्यले यस्ता सचेतनामूलक अभियान आगामी दिनहरूमा पनि निरन्तर सञ्चालन गरिनेछ।
जिल्ला ट्राफिक प्रहरी कार्यालयले सबै सवारी चालक तथा यात्रुलाई ट्राफिक नियमको पूर्ण पालना गरी सुरक्षित यात्रामा सहयोग गर्नसमेत आग्रह गरेको छ।
Discussion about this post