जनकपुरधाम/पुस ४ गते। जनकपुरधामा हुन लागेको नेपाल जेसीजको ५२औँ राष्ट्रिय महाधिवेशनको तयारी पूरा भएको छ। जनकपुर जेसिजले आतिथ्यता गरिरहेको महाधिवेशनको तयारी पुरा भएको जानकारी विहिवार साँझ पत्रकार सम्मेलन गरेर गराएका हुन । पुस ४ गतेदेखि ७ गतेसम्म चल्ने महाधिवेशनको उद्घाटन जापनका ठूलो विजनेश मैन तथा जापान सरकारका सल्लाहकार रहिसकेका सुजुकीले गर्ने जनाएका छन् । महाधिवेशनमा मेचीदेखि महाकालीसम्मका १८४ शाखाबाट करीब पाँच हजार सहभागी हुने जनाइएको छ ।
जनकपुरधाम जेसिजका शाखाका अध्यक्ष जेसीमुकेश साहको अध्यक्षतामा भएको पत्रकार सम्मेलनमा शुक्रवार जेसिजको ४ दिवसीय राष्ट्रिय महाधिवेशनको उदघाटन सत्र हुने र त्यसपछि बाँकी ३ दिन ओरेटरी कन्टेक्सट, थिम सेमिनार, राष्ट्रिय एसेम्बलीको आयोजनाका साथै नेपाल जेसिजले तय गरेका कार्यक्रमहरु हुने जनाएको छ । पत्रकार सम्मेलनमा केन्द्रिय अध्यक्ष रजनी थापा, उपाध्यक्ष सुमिन्त्रा भट्टराई, महाधिवेशन तयारी समितिका निर्देशक सुधिर पंजियार सहितको उपस्थिति रहेको थियो ।
पंजियारका अनुसार जनकपुरधामको सांस्कृतिक, धार्मिक र पर्यटकीय पहिचानलाई प्रवद्र्धन गर्ने उद्देश्यले महाधिवेशन यहाँ आयोजना गरिएको हो । महाधिवेशन सञ्चालनका लागि करिब ३ करोड ५ लाख रुपैयाँ खर्च हुने अनुमान पनि उनले प्रस्तुत गरे । उद्घाटन सत्रका प्रमुख अतिथि चयनमा भने अन्योलता रहेको आयोजकको भनाइ छ । जेसीआईका सल्लाहकार राष्ट्रिय उपाध्यक्ष सुमिता भट्टराईले नेपालमा यसअघि यति ठूलो र भव्यताका साथ महाधिवेशन सम्पन्न हुन लागेको बताएकी छन् । पत्रकार सम्मेलनमा पूर्व अध्यक्ष मनोज साह, महाधिवेशन तयारी समितिका निर्देशक सुधिर पजियार सहितका व्यक्तिहरुको उपस्थिति रहेको थियो ।
Discussion about this post