गिरिजानन्द साह/चैत २३ गते। जीवन विकास लघुवित्त वित्तीय संस्थाको शाखा कार्यालय तारापट्टी धनुषाको वित्तीय संस्थामा आवद्ध केन्द्र प्रमुखहरुको उपस्थितिमा केन्द्र प्रमुख गोष्ठी तथा वित्तीय साक्षरता सम्बन्धी कार्यक्रम भव्यताका साथ सफलतापुर्वक सम्पन्न गरेको छ।
केन्द्र प्रमुख गोष्ठी तथा वित्तीय साक्षरता सम्बन्धी कार्यक्रम यस संस्थाका विभागीय प्रमुख विनोद प्रसाद साहको अध्यक्षतामा भएको थियो भने कार्यक्रमको उद्घाटन प्रमुख अतिथि मिथिला बिहारी नगरपालिकाको नगर प्रमुख राजेन्द्र प्रसाद यादव गरेका थिए। शाखागत जानकारी शाखा कार्यालय तारापट्टी धनुषाको कार्यालय प्रमुख रुपेश मण्डलले गराएको थियो भने कार्यक्रममा संस्थागत जानकारी तथा उद्देश्यबारे जीवन विकास लघुवित्त वित्तीय संस्था लिमिटेडका विभागीय प्रमुख रन्जना निरौलाले गराएकी थिइन्।
कार्यक्रमको संचालन यस संस्थाको जिल्ला प्रमुख किशोर साहले गरेको थियो । कार्यक्रम उद्घाटन सत्र,प्रशिक्षण र पुरस्कार वितरण सत्र गरी तीन सत्रमा गरिएको थियो। उद्घाटन सत्रमा मिथिला बिहारी नगरपालिकाको नगर प्रमुख राजेन्द्र प्रसाद यादवले जीवन विकास लघुवित्त संस्थाको राम्रो संग आफ्नो कार्य गर्दै आईरहेको र तपाईहरुको कारोबार के कस्तो रहेको कुरामा सदस्यहरुले ध्यान दिनुपर्ने बताए। जीवन विकास लघुवित्त शाखा कार्यालय जनकपुरद्वरा आयोजित केन्द्र प्रमुख गोष्ठी तथा वित्तीय साक्षरता कार्यक्रममा उनले उक्त संस्थाले ग्रामीण भेगका आर्थिक अवस्था कमजोर भएको नागरिकलाई आर्थिक सशक्तिकरण गर्न जीवन विकास संस्थाले महत्त्वपूर्ण भूमिका खेलेको बताए।
नगर प्रमुख यादव भने, “जीवन विकास लघुवित्तले ग्रामीण भेगका साना उद्यमी, महिलाहरू, र आय आर्जनका अवसर खोजिरहेका नागरिकहरूलाई लक्षित गर्दै लघुवित्तले सहयोग गरिरहेको छ र वित्तीय सेवामार्फत उनीहरूलाई आर्थिक स्रोतमा पहुँच सहज बनाइएको छ, जसले उनीहरूको जीवनस्तर सुधार गर्न मद्दत गरेको छ ।”
उनले स्थानीय उद्यमशीलता प्रवर्द्धनमा लघुवित्त संस्थाहरूको भूमिका अझ प्रभावकारी बनाउन नगरपालिका स्तरबाट आवश्यक सहयोग गर्ने प्रतिबद्धता व्यक्त गरे।
जीवन विकास लघुवित्त वित्तीय संस्था लिमिटेडले ग्रामीण तथा शहरी भेगमा वित्तीय पहुँच पुर्याउँदै, बचत, कर्जा तथा वित्तीय साक्षरता कार्यक्रम सञ्चालन गर्दै आइरहेको छ। स्थानीय तहका प्रमुख तथा नागरिकहरूबाट संस्थाले पाएको सकारात्मक प्रतिक्रियाले यसको प्रभावकारिता झल्काएको छ।
कार्यक्रममा संस्थागत जानकारी दिने क्रममा रन्जना निरौलाले ग्राहक सदस्यहरुको चेतनामा वृद्धि,सामूहिक भावनाको विकास, नेतृत्व क्षमताको विस्तार, बचत गर्ने बानीको विकास, ग्राहक सदस्यहरुलाई उद्यमी बनाउने उपायहरू, डिजिटल बैंकिङ सेवा, बहुबैंकिङबाट बच्ने उपायहरू जस्ता विषयमा प्रशिक्षण दिएकी थिइन्।
कार्यक्रममा जीवन विकास लघुवित्त वित्तीय संस्थाको शाखा कार्यलय तारापट्टी धनुषाको कार्यक्षेत्र भित्र रहेका अतिविपन्न परिवारका बालबालिकाहरुलाई एडोप्ट (Adopt) गरी १ वर्षसम्मको शैक्षिक खर्च वित्तीय संस्थाले वेहोर्ने जानकारी सहित छात्रवृत्ति प्रदान गरिएको थियो । साथै शाखा कार्यालय तारापट्टी धनुषाको सदस्यहरु मध्ये उत्कृष्ट बचतकर्ता,उत्कृष्ट ऋणी,उत्कृष्ट उद्यमी र शाखा अन्तर्गत रहेको केन्द्रहरु मध्ये पहिलो,द्वितीय र तृतीय केन्द्रहरुलाई सम्मान गरिएको थियो।
कार्यक्रममा संस्थाका विभागीय प्रमुख विनोद प्रसाद साहले लघुवित्त संस्थाले ग्रामीण समुदायको जीवनस्तर उकास्न महत्वपूर्ण भूमिका खेलेको बताउँदै कर्जाको सही उपयोग गरी व्यावसायलाई सफल बनाउन सुझाव दिए। साथै, संस्थाले प्रविधिमैत्री र पारदर्शी कारोबारमा केन्द्रित हुँदै अगाडि बढ्ने प्रतिबद्धता व्यक्त गरे।
उक्त कार्यक्रममा १५० भन्दा बढी सहभागी सदस्यहरूको उपस्थिति रहेको थियो। साथै संस्थाका विभागीय प्रमुख विनोद प्रसाद साह,विभागीय प्रमुख रन्जना निरौला,मिथिला बिहारी नगरपालिकाको नगर प्रमुख राजेन्द्र प्रसाद यादव,विशिष्ट अतिथि मिथिला बिहारी नगरपालिकाको नगर उप-प्रमुख शोभा देवी साह,अतिथिहरुमा वडा अध्यक्ष संजय कुमार शर्मा,वडा अध्यक्ष जीवछ यादव,शाखा कार्यालय तारापट्टी धनुषाको शाखा प्रमुख रुपेश कुमार मण्डल,पत्रकार गिरिजानन्द साह,शाखा कार्यालय तारापट्टी शाखा अन्तर्गतको केन्द्र प्रमुख सन्जिला देवी मण्डल,सरीता देवी गिरी,श्री पारवती अनारवती तेतरीवती आधारभुत बिद्यालयका प्रधानाध्यापक विरेन्द्र कुमार मण्डल,शिक्षक शंकर यादव,श्री मिथिला माध्यमिक बिद्यालय कचुरीको प्रधानाध्यापक रामविलस यादव,मिथिला बिहारी मन्दिर व्यवस्थापन समितीका अध्यक्ष विज कुमार यादव,समाजसेवी लक्ष्मण यादव तथा शाखा कार्यालय तारापट्टी धनुषाको कर्मचारीहरू लगायतको उपस्थिति रहेको थियो।
Discussion about this post