जनकपुरधाममा कानु समाज नेपालको नगर कमिटी र कानु युवा मंचको २४ सदस्यीय कार्यसमिति गठन

चैत १२ गते। कानु समाज नेपाल जनकपुरधाम उपमहानगरपालिकामा नगर कमिटी तथा नगर युवा मंच कमिटी गठन गरिएको छ। कानु समाज धनुषाको प्रथम अधिवेशनले युवा व्यवसायी शंकरप्रसाद साहको अध्यक्षतामा २१ सदस्यीय नगर कार्यसमिति सर्वसम्मतिबाट चयन गरेको छ।

अधिवेशनको बन्दसत्रले सर्वसम्मतिबाट पाँच सदस्यीय समन्वय छनोट समिति गठन गरेको थियो। उक्त समितिले जनकपुरधाम उपमहानगरपालिकाका २५ वटै वडामा रहेका वैश्य मधेशिया कानु तथा हलवाई जातिका सक्रिय व्यक्तित्वहरुलाई कार्यसमितिमा चयन गर्न महत्वपूर्ण भूमिका खेलेको जिल्ला कार्यसमितिका सचिव प्राध्यापक मुक्तिनाथ साहले जानकारी दिनुभयो।

नवगठित कार्यसमितिका उपाध्यक्षमा सरोज कुमार साह, सचिवमा दिपमणि साह, सहसचिवमा दिलिप साह, तथा कोषाध्यक्षमा राजु साह चयन भएका छन्। साथै, कार्यसमिति सदस्यमा सुरेन्द्र कुमार साह, जिवछ साह, बद्रीप्रसाद साह, उदय साह, दिलिपकुमार साह, दिनेशकुमार साह, बलराम साह, अर्जुन साह, सरोज साह, श्याम साह, हरेराम साह, रामदेव साह, संतोषकुमार साह, रामशंकर साह, तथा प्रकाशकुमार साह सर्वसम्मतिबाट चयन भएका छन्।

नगर कार्यसमितिलाई सशक्त बनाउनका लागि कानु युवा मंच पनि गठन गरिएको छ। गणेश युवा कमिटीका पूर्व अध्यक्ष संतोष कुमार साहको अध्यक्षतामा २४ सदस्यीय युवा कार्यसमिति गठन गरिएको छ। युवा कार्यसमितिका उपाध्यक्षमा अजय गुप्ता, सचिवमा विकास कुमार साह, सहसचिवमा किशन साह, तथा कोषाध्यक्षमा संजय कुमार साह चयन भएका छन्। अन्य सदस्यहरूमा नरेश प्रसाद साह, गोविन्द साह, पारसमणी साह, हेमशंकर साह, राहुल साह, राकेश साह, संजिव साह, सत्यनारायण साह, इश्वरकुमार साह, राजा साह, अनिलकुमार साह, दिपककुमार साह, प्रदिप कुमार साह, गोविन्दकुमार साह, मदन साह, अमन साह, बिक्की कुमार साह, तथा संजिब साह रहेका छन्।

कानु समाज नेपाल धनुषा जिल्लाको प्रथम अधिवेशन चैत ११ गते सम्पन्न भएको थियो। उक्त अधिवेशन धनुषा जिल्ला अध्यक्ष उदय चन्द्र साहको अध्यक्षतामा सम्पन्न भएको थियो। उद्घाटन सत्रको प्रमुख अतिथि राजस्व कार्यालय जनकपुरधामका कर प्रमुख आनन्द प्रसाद गुप्ता रहनुभएको थियो। कानु समाज नेपाल राष्ट्रिय कमिटीका वरिष्ठ उपाध्यक्ष रामसागर साह तथा औरही गाउँपालिकाका उपमेयर पुनम साह विशेष अतिथिका रूपमा उपस्थित हुनुहुन्थ्यो।

समारोहमा प्राध्यापक रमेश कुमार साहले स्वागत मन्तव्य राख्नु भएको थियो। झण्डै ५० जना युवा तथा विशिष्ट व्यक्तिहरूलाई सम्मान गरिएको उक्त कार्यक्रमको सञ्चालन वरिष्ठ पत्रकार श्रीनारायण साहले गर्नुभएको थियो भने धन्यवाद ज्ञापन प्राध्यापक मुक्तिनाथ साहले गर्नुभएको थियो।