संसद विघटन विरुद्धमा बिराटनगरको ठाउँठाउँमा प्रदर्शन, प्रधानमन्त्री ओलीको पुत्ला जलाइयो

उमेश कुमार साह,विराटनगर।जनता समाजवादी पार्टी निकट विद्यार्थी सङ्गठनले विराटनगरमा प्रधानमन्त्री केपी ओलीको पुत्ला जलाएका छन । समाजवादी विद्यार्थीका केन्द्रीय सदस्य कमल पोख्रेलको नेतृत्वमा भएको कार्यक्रम सन्सारीमाइस्थान बाट नाराजुलुस गर्दै महेन्द्र चोकमा गएर कोणसभामा परिणत भएको र कोणसभामै पुत्ला जलाइएको विद्यार्थी नेता तरुण विक्रम खवासले जानकारी दिए ।

केपी ओलीले संसद विघटन गरेर संविधानको बलात्कार गरेको बताउदै यसको विरुद्ध सम्पूर्ण लोकतान्त्रिक गणतन्त्र पक्षधर युवा बिद्यार्थीले सडक संघर्ष बाट ओलितन्त्रलाई पाखा लगाउने बिध्यार्थी नेता राकेश यादव बताए। कार्यक्रममा राष्ट्रिय बिद्यार्थी संघका जिल्ला संयोजक बिपुल झा, बिद्यार्थी नेता पेशल यादव, युवा नेता रंजित गोस्वामी, साहिल खान,कमल पोखरेल लगायतको उपस्थिती रहेको जनाइएको छ ।