गिरिजानन्द साह/फागुन ९ गते। जीवन विकास लघुवित्त वित्तीय संस्था शाखा कार्यालय किसानपुर धनुषाले वित्तीय संस्थामा आवद्ध केन्द्र प्रमुखहरुको उपस्थितिमा केन्द्र प्रमुख गोष्ठी तथा वित्तीय साक्षरतासम्बन्धी कार्यक्रम सम्पन्न गरेको छ।
कार्यक्रमको उद्घाटन जीवन विकास लघुवित्त वित्तीय संस्था लिमिटेडका प्रमुख कार्यकारी अधिकृत (सीईओ) संजय कुमार मण्डलले गरेका थिए। संस्थागत जानकारी तथा उद्देश्यबारे जीवन विकास लघुवित्त वित्तीय संस्था लिमिटेडका विभागीय प्रमुख रन्जना निरौलाले जानकारी गराएकी थिइन्।
कार्यक्रममा रन्जना निरौलाले ग्राहक सदस्यहरुको चेतनामा वृद्धि, सामूहिक भावनाको विकास, नेतृत्व क्षमताको विस्तार, बचत गर्ने बानीको विकास, ग्राहक सदस्यहरुलाई उद्यमी बनाउने उपायहरू, डिजिटल बैंकिङ सेवा, बहुबैंकिङबाट बच्ने उपायहरू जस्ता विषयमा प्रशिक्षण दिएकी थिइन्।
कार्यक्रममा जीवन विकास लघुवित्त वित्तीय संस्था शाखा कार्यालय किसानपुर धनुषाका विभिन्न उत्कृष्ट सहभागिहरूलाई सम्मान गरिएको थियो। उत्कृष्ट बचतकर्ताको रूपमा केन्द्र न.-७६ की सरिता कुमारी यादव, केन्द्र न.-१ की सरिता उराव, केन्द्र न.-४१ की रामराती सदा पुरस्कृत भए। उत्कृष्ट अधिकृत टेलरमा केन्द्र न.-३९ की हेम कुमारी आले मगर चयन भइन्। उत्कृष्ट ऋणीको रूपमा केन्द्र न.-१४ की रेखा कुमारी देवी, केन्द्र न.-६१ की परमशिला देवी महरा, केन्द्र न.-०३ की निर्मला कुमारी यादव सम्मानित भए। त्यस्तै, उत्कृष्ट उद्यमीको रूपमा केन्द्र न.-७ की सोनिता कुमारी यादव, केन्द्र न.-३७ की निर्मला कुमारी महतो र केन्द्र न.-१ की कमली देवी साहलाई पुरस्कृत गरियो।
शाखा कार्यालय किसानपुर धनुषाका केन्द्रहरूमध्ये प्रथम भएको केन्द्र न.-८ सुनौलो जीवन विकास केन्द्रका सदस्यहरूलाई पुरस्कार तथा प्रमाणपत्र प्रदान गरियो। द्वितीय स्थानमा केन्द्र न.-३९ सयपत्री जीवन विकास केन्द्र, तृतीय स्थानमा केन्द्र न.-६४ गणेशमान चारनाथ जीवन विकास केन्द्र, र सान्त्वना पुरस्कार केन्द्र न.-६५ देवीमाइ जीवन विकास केन्द्रलाई प्रदान गरियो।
कार्यक्रममा प्रमुख कार्यकारी अधिकृत (सीईओ) संजय कुमार मण्डलले लघुवित्त संस्थाले ग्रामीण समुदायको जीवनस्तर उकास्न महत्वपूर्ण भूमिका खेलेको बताउँदै कर्जाको सही उपयोग गरी व्यावसायलाई सफल बनाउन सुझाव दिए। साथै, संस्थाले प्रविधिमैत्री र पारदर्शी कारोबारमा केन्द्रित हुँदै अगाडि बढ्ने प्रतिबद्धता व्यक्त गरे।
उक्त कार्यक्रममा १५० भन्दा बढी सहभागी सदस्यहरूको उपस्थिति रहेको थियो। प्रमुख कार्यकारी अधिकृत (सीईओ) संजय कुमार मण्डल, विभागीय प्रमुख रन्जना निरौला, धनुषाधाम नगरपालिका वडा न.-७ का वडा अध्यक्ष तथा शाखा कार्यालय किसानपुर धनुषाका कर्मचारीहरूको समेत उपस्थिति रहेको थियो।
Discussion about this post