सप्तरीको बोदे बर्साईनमा शिक्षकहरुले सरुवा रोक्न हालेको रिटमा अन्तरिम आदेश दिन अदालतले गरे अस्वीकार

उमेश कुमार साह,सप्तरी।सप्तरीको बोदे बर्साईन नगरपालिका नगर शिक्षा समिति कार्तिक २३ गतेको निर्णय अनुसार नगरपालिकाको शिक्षा शाखाले कार्तिक २७ गते १९ जना शिक्षकको तहगत र विषगत पारस्परिक सरूवा गरेको थियो । उक्त सरूवा रोकाउन बिद्यालय शिक्षक सरुवा उत्प्रेषण र निषेधाज्ञा रोक्न मुद्दा उच्च अदालत जनकपुर , राजबिराज इजलास ,पुगेका थिए । आज संयुक्त इजलास माननीय न्यायाधीश श्री द्वारिकामान जोशी र माननीय न्यायाधीश श्री टंकप्रसाद गुरुङको संयुक्त आदेश बमोजिम इजलास न.२ ले निवेदक झरिलाल साह समेत अन्य रहेको बिधालय शिक्षक सरुवा उत्प्रेषण र निषेधाज्ञा रोक्न मुद्दा प्रत्यर्थी बोदे बर्साईन नगरपालिका नगर कार्यपालिकाको कार्यलाई सप्तरी समेतको आज अन्तरिम आदेश जारी वा नपर्ने भन्ने सम्बन्धमा छलफल प्रयोजनार्थ पेश हुन आएकोमा निवेदनका तर्फबाट उपस्थित अधिवक्ता श्री भानुभक्त निरौला , श्री सुजितकुमार पोखरेल तथा श्री फुल नारायण यादव र पविपक्षी बोदे बर्साइनको नगरपालिकाको तर्फबाट उपस्थित अधिवक्ता श्री बिरेन्द्र प्रसाद यादव , श्री शिबकुमार चौधरी , श्री देब बहादुर कटुवाल तथा शिक्षा बिकास तथा समन्वय इकाई सप्तरीको तर्फबाट उपस्थित उच्च सरकारी वकिल कार्यालय , राजबिराजका सहायक न्यायाधीशवक्ता श्री रोहित कुमार पोखरेल समेतले गर्नु भएको बहस भएका छन।

यस रिट निवेदन मागबमोजिम मिति २०७७/७/२३ गते को शिक्षक सरुवासम्बन्धि निर्णय एवम् सूचनासमेत कार्यन्वयन नगर्नु नगराउनु भनी अन्तरिम आदेश जारी गर्नुपर्ने वा नपर्ने भन्ने सन्दर्भमा बिचार गर्दा, बोदे बर्साईन नगरपालिकाको शिक्षा ऎन , २०७६ को दफा १५(४) र दफा ३८(४) न बमोजिम औंचित्य र आवश्यकताको आधारमा एक बिद्यालयबाट अर्को बिद्यालयमा शिक्षक सरुवा गर्न सक्ने कानुन व्यवस्था गरेको देखिन्छ । तद्नुरुप नगर शिक्षा समितिबाट मिति २०७७/७/२३ गते मा निर्णय गरि सरुवा गरेकै कारणबाट रिट निवेदनहरुलाई अपुरणिय क्षति पुग्न सक्ने अवस्था नदेखिदा पछि प्रस्तुत रिट निवेदनको अन्तरिम सुनुवाइ हुदाका बखत प्रचलित कानुनको ब्याख्या बिश्लेशन गरि सम्बोधन हुने नै हुदा हाल रिट निवेदन मागअनुरुप अन्तरिम आदेश जारी गरिरहन परेन भनी फैसला आएको छ।