चैत १६ गते। रौतहटको कोल्हवी नगरपालिकामा एक सुस्त मनस्थितिकी बालिका अपहरणपछि बलात्कृत भएकी छिन्।
सुस्त मनस्थितिकी बालिकालाई प्रलोभनमा पारी करणी गरेको आरोपमा प्रहरीले बारा जिल्लाको कोल्हवी नगरपालिका–८, नयाँ बस्तीका ३० वर्षीय प्रकाश कार्कीलाई प्रहरीले पक्राउ गरेको छ। उनी विरुद्ध जबरजस्ती करणी मुद्दा दर्ता भएको जिल्ला प्रहरी कार्यालय बाराका प्रवक्ता एवं डीएसपी दधिराम न्यौपानेले बताए।
उनका अनुसार कार्कीलाई बारा जिल्ला अदालतको अनुमति लिएर अनुसन्धान प्रक्रिया अगाडि बढाइएको छ ।कोल्हवी– ८ निवासी सुस्त मनस्थिति भएकी एक बालिकालाई कार्कीले चैत ८ गते राति ८ बजे अपहरण गरी दुई दिनसम्म राखेको पीडित परिवारको आरोप छ ।
पीडित बालिकाको स्वास्थ्य परीक्षण समेत भइसकेको प्रहरीले जनाएको छ । बालिकालाई सुरुमा कलैयास्थित महिला बालबालिका सेवा केन्द्रमा लागिएको थियो । त्यहाँ प्रारम्भिक अनुसन्धानपछि थप कारबाहीका लागि जिल्ला प्रहरीको जिम्मा लगाएको प्रहरी स्रोतले जनाएको छ ।
Discussion about this post