nepalvani-nepalvani.com
  • गृहपृष्ठ
  • समाचार
  • प्रदेश
    • कोशी प्रदेश
    • मधेश प्रदेश
    • बागमती प्रदेश
    • कर्णाली प्रदेश
    • लुम्बिनी प्रदेश
    • गण्डकी प्रदेश
    • सुदूरपश्चिम प्रदेश
  • राजनीति
  • समाज
    • कृषि
    • स्वास्थ्य
    • शिक्षा
    • अर्थ/वाणीज्य
  • विचार
  • खेलकुद
  • मनोरञ्जन
  • अन्तराष्ट्रिय
  • विविध
    • ब्लग
    • रोचक विश्व
    • अन्तर्वार्ता
    • पत्र-पत्रिका
    • राशिफल
    • जीवन शैली
    • फोटो ग्यलरी
    • विज्ञान/प्राविधि
No Result
View All Result
ई-पेपर
  • गृहपृष्ठ
  • समाचार
  • प्रदेश
    • कोशी प्रदेश
    • मधेश प्रदेश
    • बागमती प्रदेश
    • कर्णाली प्रदेश
    • लुम्बिनी प्रदेश
    • गण्डकी प्रदेश
    • सुदूरपश्चिम प्रदेश
  • राजनीति
  • समाज
    • कृषि
    • स्वास्थ्य
    • शिक्षा
    • अर्थ/वाणीज्य
  • विचार
  • खेलकुद
  • मनोरञ्जन
  • अन्तराष्ट्रिय
  • विविध
    • ब्लग
    • रोचक विश्व
    • अन्तर्वार्ता
    • पत्र-पत्रिका
    • राशिफल
    • जीवन शैली
    • फोटो ग्यलरी
    • विज्ञान/प्राविधि
No Result
View All Result

sajilo_post, Sajilopostkhabar, news khabar, nepal khabar, pradesh khabar, siraha times, siraha khabar, siraha post, sirahadialy
No Result
View All Result

मधेसी समाजमा मधेस प्रदेश सभा सदस्य ललिता विद्रोहीको विद्रोह

सजिलो पोस्ट सजिलो पोस्ट
कार्तिक २८, २०८०, १:४३ मध्यान्ह
मधेसी समाजमा मधेस प्रदेश सभा सदस्य ललिता विद्रोहीको विद्रोह

कार्तिक २८ गते । जनता समाजवादी पार्टी (जसपा) नेपालका केन्द्रीय सदस्य एवं मधेस प्रदेश सभा सदस्य ललिता विद्रोही (दास)ले समाजमा साँच्चै नाम अनुसारको विद्रोह गरेकी छन् ।

उनी आफ्नो आमाको दाहसंस्कारमा सहभागीमात्र भइनन्, आमाको पार्थिव शरीरलाई काँधमा बोकेर घाटसम्म लगेकी थिइन् । उनी र उनका दाजुले एकसाथ आमालाई दागबत्ती दिएका थिए । उनी अहिले काजक्रियामा दाइसँगै बसेकी छन् ।


महिलाका लागि यसरी पार्थिव शरीर बोकेर घाटमा जान मधेसी समाजमा बर्जित छ । तर सिरहा, अर्नमा बेल्दरहीकी सांसद ललिताले त्यसका लागि विद्रोह गरिन् । उनको त्यो विद्रोहलाई लिएर कतिपय ठाउँमा आलोचना भइरहेको छ भने कतिपय ठाउँमा प्रशंसा भइरहेको छ ।

जुन समाजमा चेलीबेटी, बुहारीलाई घरबाट निस्कने अनुमति हुँदैन, त्यहीँ ललिताजस्ता महिला समाजमा विद्रोह गरेर आमा–बुबाको दाहसंस्कारमा सहभागी हुन थालेका छन् ।

ललिता दास पहिलादेखि नै विद्रोही स्वभावकी थिइन् । समाजमा हुने अनैतिक कार्यको उनी जहिल्यै विद्रोह गर्थिन् । समाजमा कसैमाथि कुनै अन्याय हुँदा त्यसको न्यायका लागि अघि सर्थिन् ।

उनी आफ्नो घरमा मात्र होइन, बिहे गरेर सिरहाको लहान गए पनि समाजका लागि केही न केही गर्न थालिन् । महिलामाथि हुने हिंसा हत्याको बारेमा अवाज उठाउन थालिन् । बिस्तारै राजनीति गर्न थालेकी उनी अहिले प्रदेश सभा सदस्य छिन् ।

यसरी आमा–बुबालाई दागबत्ती दिने उनी पहिलो होइन । तराई मधेसमा धेरै ठाउँमा अब छोरीले पनि दागबत्ती दिन थालेका छन् ।

छोरा नभएको अवस्थामा छोरीले दागबत्ती दिएको घटना सिरहालगायत धनुषा, महोत्तरी, सर्लाहीतिर देखिन थालेका छन् । तर छोरा हुँदाहुँदै छोरीले दागबत्ती दिने र काजक्रियामा बसेर ललिताले अलग उदाहरण पेस गरेकी छन् ।

समाजिक अभियन्ता रामरिझन यादवले ललिता दास तत्माले गरेको विद्रोह यसअघि मधेसी समाजमा नभएको बताए । उनले भने, ‘यसअघि मेरो आमाको निधन हुँदा म, मेरा भाइ र बहिनीहरुले संयुक्त रुपमा दागबत्ती दिएका थियौँ तर बहिनीहरु काजक्रियामा बसेका थिएनन् । तर ललिताले दाहसंस्कारदेखि लिएर हरेक काजक्रियामा आफैँ सहभागी हुनुभएको छ । यो मधेसी समाजमा एउटा ठुलो विद्रोह हो ।’

जुन समाजमा छोरीलाई सन्तान नै सम्झदैनन्, त्यो समाजमा छोरीले छोरासरह अगाडि बढ्नुलाई पुरुष प्रधान समाजले सहजै स्वीकार गर्दैन । त्यसका लागि ललिता जस्तै अन्य छोरीले पनि विद्रोह गर्नुपर्ने अभियन्ता यादवले बताए ।

तराई मधेसमा महिलाको क्षेत्रमा काम गर्दैै आएकी गुञ्जा रायको धारणा पनि त्यस्तै छ । ‘छोराछोरी बराबर हुन् भने सामाजिक कार्यमा पनि बराबरको हकदार हुनुपर्छ, पितृसतात्मक समाजमा जहाँ छोरीलाई घरमा राख्छन्, घुम्टोभित्रै बस्न भन्छन्, त्यहाँ आमा–बुबाको दाहसंस्कार र काजक्रियामा सहाभागी हुनु साँच्चै एक प्रकारको विद्रोह नै हो,’ उनले भनिन् ।

छोरा होस् या छोरी एउटै प्रक्रियाबाट जन्मिन्छन् भने जन्मिसकेपछि लिङ्गको आधारमा अलग व्यवहार हुन नहुने उनको भनाइ छ । उनले भनिन्, ‘पहिला जसको घरमा छोरा हुँदैनथ्यो, आमाबुबाको मृत्युपछि दागवत्ती दिनका लागि आफन्त खोजिन्थ्यो, दागबत्ती दिनेले सम्पत्तिका लागि बार्गेनिङ गर्दथ्यो । तर अहिले त्यो हराउँदै गइरहेको छ ।’

दाससंस्कारदेखि लिएर अन्य काजक्रियामा छोरासरह छोरीलाई पनि सहभागी गराउनुपर्ने बताउँछिन् राय ।

२०७६ सालमा धनुषाको सबैला नगरपालिकामा रवियादेवीले आफ्ना श्रीमान रामनारायण यादवको निधनपछि दागबत्ती दिएकी थिइन् । त्यतिबेला उनको निकै चर्चा भएको थियो ।

रामनारायणको छोरा थिएनन् । छोरीमात्र थिए । रामनारायणको पार्थिव शरीरलाई श्रीमती र छोरीहरुले काँधमा बोकेर घाटसम्म लगेका थिए । श्रीम रवियादेवीले दागबत्ती दिएकी थिइन् । छोरा नभएपछि छोरीले दागबत्ती दिने चलन पहाडी समुदायमा देखिएको थियो तर अब तराई मधेसमा पनि यो क्रम विस्तार भएको छ । साभार स्रोत-रातोपाटी बाट

मुखाग्नि दिनका लागि पनि छोरा चाहिन्छ भन्ने मान्यता अहिले पनि तराई मधेसमा व्याप्त छन् । कतिपयले त गर्भमै लिङ्ग पहिचान गरी छोरी भएको खण्डमा गर्भपतनसमेत गराउने गर्दछन् । यस्तो अवस्थामा छोरीले बाबुआमालाई दागबत्ती दिनु र काजकिरिया गरेका घटना मधेसी समाजमा स्वाभाविक रुपमा विद्रोह भएको छ ।

 

Discussion about this post

Related Posts

मधेशका नवनियुक्त मुख्यमन्त्री यादवले लिए पद तथा गोपनीयताको शपथ

मधेशका नवनियुक्त मुख्यमन्त्री यादवले लिए पद तथा गोपनीयताको शपथ

मधेश प्रदेशस्तरीय बाल क्लब सञ्जाल गठन, अध्यक्षमा शिवकुमार सदा चयन

मधेश प्रदेशस्तरीय बाल क्लब सञ्जाल गठन, अध्यक्षमा शिवकुमार सदा चयन

स्वास्थ्यकर्मी र शिक्षकलाई अपाङ्गता समावेशीकरण तथा मानव अधिकारसम्बन्धी तालिम

स्वास्थ्यकर्मी र शिक्षकलाई अपाङ्गता समावेशीकरण तथा मानव अधिकारसम्बन्धी तालिम

धनुषाको गोबराहीमा एनसेल मोबाइल टावर स्थापना गर्न माग, सन्तोष यादवद्वारा ज्ञापनपत्र

धनुषाको गोबराहीमा एनसेल मोबाइल टावर स्थापना गर्न माग, सन्तोष यादवद्वारा ज्ञापनपत्र

धारा १६८(२) अनुसार सरकार गठन हुन नसके १६८(३) को प्रक्रिया अघि बढाउनुपर्छ : मुहम्मद नईम राइन

धारा १६८(२) अनुसार सरकार गठन हुन नसके १६८(३) को प्रक्रिया अघि बढाउनुपर्छ : मुहम्मद नईम राइन

जनकपुरधाममा २ दिने प्रदेशस्तरीय बाल भेला तथा बाल क्लब सञ्जाल गठन र र क्षमता विकास कार्यशाला कार्यशाला शुरु

जनकपुरधाममा २ दिने प्रदेशस्तरीय बाल भेला तथा बाल क्लब सञ्जाल गठन र र क्षमता विकास कार्यशाला कार्यशाला शुरु

महोत्तरी : उखुबारीमा ६५ वर्षीया महिलाको शव फेला, हत्या भएको हुन सक्ने आशंका

महोत्तरी : उखुबारीमा ६५ वर्षीया महिलाको शव फेला, हत्या भएको हुन सक्ने आशंका

प्रेमिका भेट्न गएका युवक मृत फेला

प्रेमिका भेट्न गएका युवक मृत फेला

विवाहपञ्चमी महामहोत्सवको तयारी सुरु, व्यवस्थापनका लागि विभिन्न समिति गठन

विवाहपञ्चमी महामहोत्सवको तयारी सुरु, व्यवस्थापनका लागि विभिन्न समिति गठन

कांग्रेसको १५औँ महाधिवेशन मंसिर २१ देखि, मधेश प्रदेश अधिवेशन १४ गते जनकपुरमा हुने : विमलेन्द्र निधि

कांग्रेसको १५औँ महाधिवेशन मंसिर २१ देखि, मधेश प्रदेश अधिवेशन १४ गते जनकपुरमा हुने : विमलेन्द्र निधि

Advertisement

Advertisement

Advertisement

nepalvani-nepalvani.com

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

जय माँ राजदेवी मिडिया हाउस द्वारा संचालित
सजिलो पोष्ट डटकम अनलाइन
सम्पर्क कार्यालय:-जनकपुरधाम-२४,धनुषा
सम्पर्क :९८०४३०१५९०
Email : [email protected]
Website : www.sajilopost.com


 सूचना विभाग दर्ता नं. : ३९२१-०७९/८० 
 प्रेस काउन्सिल दर्ता नं. : ३९०९-०७९/८० 

अध्यक्ष/सञ्चालक-संगीता कुमारी साह

कार्यकारी सम्पादक-गिरिजानन्द साह
सम्पादक-विशुन देव सरदार

This page has been visited: web counter © 2021 SajiloPost.com

  • Privacy Policy
No Result
View All Result
  • गृहपृष्ठ
  • समाचार
  • प्रदेश
    • कोशी प्रदेश
    • मधेश प्रदेश
    • बागमती प्रदेश
    • कर्णाली प्रदेश
    • लुम्बिनी प्रदेश
    • गण्डकी प्रदेश
    • सुदूरपश्चिम प्रदेश
  • राजनीति
  • समाज
    • कृषि
    • स्वास्थ्य
    • शिक्षा
    • अर्थ/वाणीज्य
  • विचार
  • खेलकुद
  • मनोरञ्जन
  • अन्तराष्ट्रिय
  • विविध
    • ब्लग
    • रोचक विश्व
    • अन्तर्वार्ता
    • पत्र-पत्रिका
    • राशिफल
    • जीवन शैली
    • फोटो ग्यलरी
    • विज्ञान/प्राविधि