सप्तरी।सप्तरीमा एक महिलाको हत्या आरोपमा तीन जना पक्राउ परेका छन्। सप्तरीको तिरहुत गाउँपालिका वडा नम्बर दुई मैनाकड़ी निवासी ५० वर्षीया दाइमन यादवको हत्या गरेको आरोपमा मैनाकड़ीकै २१ वर्षीय अजय कुमार राउत, ५२ वर्षीय राधे भन्ने ओमप्रकाश यादव र कञ्चनपुर वडा नम्बर २१ ठेलीया बस्ने ५५ वर्षीय बमबहादुर साहलाई पक्राउ गरिएको प्रदेश प्रहरी कार्यालय प्रदेश नम्बर २का प्रवक्ता एवं प्रहरी उपरीक्षक कृष्ण प्रसाईले जानकारी दिए।
एसपी प्रसाईका अनुसार मृतक महिलाकी देवरानी र ओमप्रकाशबीच अनैतिक सम्बन्ध रहेको कुराबारे दाइमनले थाहा पाएपछि उनको हत्याको योजना बनाएको खुल्न आएको छ।अजय यादव र मृतकबीच जग्गा विवाद पनि रहेकोले बम बहादुरलाई संलग्न गराई ३ जनाले हत्या गरेको प्रहरीले जनाएको छ।
गत असोज १० गते दाईमनको हत्या गरिएको थियो। आरोपित बम बहादुर यसअघि ज्यान मार्ने उद्योगमा ८ वर्ष सजाय काटेर दुई वर्ष अगाडि मात्रै हिरासतमुक्त भएका थिए।पक्राउ परेकाहरुमाथि आवश्यक अनुसन्धान सुरु गरिएको प्रहरीले जनाएको छ।
Discussion about this post