जनकपुरधाम । कोरोना कहरको को समयमा रगत अभावको समस्या झेल्नुपरेको अबस्थामा रगत अभावलाई पूर्ति गर्नलाई जनकपुरधाम उप–महानगरपालिका वडा नम्बर ७ को आयोजनामा रक्तदान कार्यक्रम सम्पन्न भएको छ ।
रेडक्रसकाे आग्रहमा नै समाजिक सहयाेग हाेस् भनेर रगत संकलन गरेको वडाध्यक्ष जानकिराम साहले बताउनुभयाे । धनुषाका बिभिन्न १४ ओटा संस्थाको सहयोगमा वार्ड ७ कार्यालयले रक्तदान कार्यक्रमको आयोजन गरेका छन् । जानकारी दिए ।
वडाले संचालन गरेको निशुल्क स्वास्थ्य शिविर र रक्तदान कार्यक्रमलाई सराहना गर्दै वृहत्तर जनकपुर क्षेत्र विकाष परिषदका अध्यक्ष शालिग्राम सिंहले कोरोनाको संक्रमणको बेला पनि यो शिविर संचालन गरेर हिम्मतको काम गरेको बताउनु भयो ।सिंहले उक्त अवशरमा रक्तदान कार्यक्रममा सहभागीहरुलाई रगत दिएको भन्दै उच्च कदर गर्दै प्रसंसा पत्र प्रदान गरेका थिए ।
रक्तदान कार्यक्रम गरेर समाजको लागि एउटा राम्रो र सरहना कार्य गरेको भन्दै नेपाल चेम्बर ऑफ कॉमर्ष , प्रदेश नम्बर २ संयोजन पवन ठाकुरले वार्ड कार्यालयलाइ २१ हजारको चेक प्रदान गरे त्यस्तै समाजसेवी जनकपुर स्वर्गद्वारी निर्माण गर्ने अभियानी पवन सिंघानियाले ११ हजारको चेक प्रदान गरेका छन् ।
कार्यक्रममा जनकपुर बस व्यवसायी संघका अध्यक्ष मनोज चौधरी , धनुषा चेम्बरका अध्यक्ष जय साह, नेपाल रेडक्रस सोसाइटी धनुषाका अध्यक्ष नरेश प्रसाद सिंह लगायत दर्जनों संस्थाम र संगठनका प्रतिनिधिहरुको सहभागिता रहेको थियो ।
हेर्नुहोस तस्बिरहरु
Discussion about this post